बाँके मंसीर ३० गते । बालबालिका बेचविखन र बाल विवाह न्यूनीकरणका लागि खजुरा गाउँपालिका वडा न ४ डि गाउँमा अन्तर पुस्ता सम्वाद कार्यक्रम गरिएको छ । प्लान नेपालको सहयोगमा खजुरा गाउँपालिकाकोसँगको सहकार्यमा बाँके यूनेस्को क्लवले सोमबार डि गाउँस्थित श्री नेपाल राष्ट्रिय आदर्श आधारभुत विद्यालयमा कार्यक्रम गरेको हो । जनप्रतिनीधी, बाल अधिकार समितीका पदाधिकारी, शिक्षक, विद्यार्थी, महिला र प्रहरीलाई लक्षित गर्दै क्लवले अहिले सम्वाद कार्यक्रम सञ्चालन गर्दै आएको छ ।
कार्यक्रममा सम्वाद, अन्तर पुस्ता सम्वाद, सम्वाद प्रक्रिया, बाल विवाह र वेचविखन न्यूनीकरणमा सम्वादद्धारा गर्न सकिने भूमिका लगायतका विषयमा सम्वाद समूह बाँकेका सहजकर्ता एवं पत्रकार शुक्रऋषि चौलागाईले सहजीकरण गर्नु भएको फिल्ड सुपर भाइजर मीना जोशीले जानकारी दिनु भयो ।
कार्यक्रममा खजुरा गाउँपालिका कार्यपालिका सदस्य योगमाया खनालले कसैको एकल पहलले मात्र बालबालिका वेचवखिन र बालविवाह नरोकीने भन्दै सबै पक्षबीच सम्वादको आवश्यक्ता औल्याउनु भयो । यस्तै कार्यक्रममा सहभागी इलाका प्रहरी कार्यालय धनौलीका निमीत्त प्रमुख एवं प्रहरी नायव निरिक्षक दामोदर अधिकारी, नेपाल राष्ट्रिय आदर्श आधारभुत विद्यालयका व्यवस्थापन समितिका अध्यक्ष धन बहादुर वली, प्रधानाध्यापक देवमती थापा, बागेश्वरी यूवा महिला सञ्जाल अध्यक्ष खुमा थापा, वडा न ३ स्थित बाल अधिकारी समितिका सचिव खड्क बहादुर पुन लगायतले सम्वादको आवश्यक्ता र महत्व बढदै गएको बताउँदै यसको कार्यान्वयनमा पनि जोड दिनु भएको थियो ।
Discussion about this post