बाँके पुस १५ गते । एच सी आर सी कप ब्याडमिन्टनको दाश्रो संस्करण आगामी पौष २४ गतेदेखि नेपालगंजमा हुने भएको छ । मंगलवार आयोजक एच सी आर सी अस्पताल नेपालगंजले पत्रकार सम्मेलनको आयोजना गरि सो जानकारी गरएको हो । ३ दिन सम्म संचालन हुने प्रतियोगितामा ६ वटा इभेन्टहरु समावेश गरिएका अयोजकले जनाएको छ । प्रतियोगितामा जुनियर अण्डर–१३ छात्र, छात्रा, अण्डर १६ छात्र, छात्रा, मिक्स डबल्स र खुल्ला डबल्स गरि ६ वटा इभेन्टहरु रहेका छन ।
आयोजक संस्थाका अध्यक्ष डा. कुमार शान शाहका अनुसार डबल्स खुल्ला तर्फ प्रथम द्वितीय र तृतीय हुनेलाई नगद क्रमस ४० हजार २० हजार र १० हजार रुपैयाँ पुरस्कार रहेको छ । त्यसै गरि विजयी हुने विद्यालय स्तरिय तर्फ विजयी हुने खेलाडीलाई पनि खेल समाग्री र अन्य आकर्षक पुस्कार प्रदान गरिने आयोजकले जनाएको छ । प्रतियोगितामा सहभागीताका लागि डबल्स खुल्ला टीम तर्फ १५ हजार विद्यालय स्तरीय प्रति खेलाडी २ सय रुपैया र मिक्स डबल्स तर्फ ५ सय रुपैया प्रवेश शुल्क तोकेको अस्पतालका व्यवस्थापक रमेश सिटौलाले जानकारी दिनुभयो । अस्पतालको स्थापना दिवशको अवसर पारी हरेक बर्ष सो प्रतियोगिताको आयोजना गरिने सिटौलाले बताउनुभयो ।
Discussion about this post