बाँके माघ ३ गते । नेपालगञ्ज उद्योग बाणिज्य संघ नेपालगञ्जको यहि माघ ११ गते हुने चुनावको अहिले निकै चर्चा अनि परिचर्चा भइरहेको छ । यति बेला चुनावमा दुई प्यानल प्यानल चुनावी मैदानमा आएका छन ।
चुनावी मैदानमा आर्थिक समुन्नती सहितको व्यवसायीक स्वतन्त्रता संस्थागत विकासको लागि हाम्रो प्रतिबद्धता’ भन्ने नाराका साथ साझा प्रजातान्त्रिक उद्योगी व्यवसायी समूहले आफनो प्रचारलाई तिब्रता दिएको छ । उक्त प्यानलबाट अध्यक्षमा ललित रौनियार उठेका छन ।
अर्को समाबेशी प्यानलले उद्योगी, व्यवसायी एकता, समावेशी प्यानलको पहिचान, व्यवसायीहरुको हकहितका लागि गर्छौ हामी योगदान, भन्ने मुल नाराका साथ नेतृत्वको लागि हालका प्रथम उपाध्यक्ष अब्दुल वाहिद मन्सुरी (चुन्ना) लाई प्रतिष्पर्धामा उतारेको छ ।
चुन्ना हाल उद्योग बाणिज्य संघ नेपालगञ्जका प्रथम उपाध्यक्ष समेत रहेर काम गरी सकेका अनुभवी युवा उद्यमी तथा ब्यापारी समेत हुन ।
अहिले दुई जनालाइ लिएर बजारमा निकै गर्मा गर्मी चलेको छ ।
अनलाइन खोजखबर संग कुरा गर्दै समाबेशी प्यानलका अध्यक्षका उम्मेदवार अब्दुल वाहिद मन्सुरी चुन्नाले आफू उम्मेदवार भइसकेपछी बिगत एक महिना देखि निर्वाचनको लागि निरन्तर परिश्रम गर्दै घरदैलो गरिरहेको र आफु यदि निर्वाचित भएर आइसकेपछी सर्वप्रथम खस्किदो ब्यापार मन्दिलाई बिकास गर्ने र खुला सिमानाले गर्दा बिस्थापित नेपालगञ्जको व्यापारलाई सरकार संग छलफल गरि समाधानको प्रकृयामा अगाडि बढाउने साथै २०२० नेपाल भ्रमण वर्षलाई पुर्ण रुपमा सहयोग गर्ने प्रतिबद्धता जनाएका छन । अध्यक्ष पदमा मनोनीत र उम्मेदवारी दर्ता गरिसके पछी सम्पुर्णको साथ र समर्थन पाइरहेको बताए ।
उनको उमेदवारीलाई लिएर खजुराका युवा व्यवसायी सतिश निरौलाले नेपालगञ्ज उद्योग बाणिज्य संघको चुनाव आउँदै गर्दा युवाहरूलाई समेटेर युवाले नै नेतृत्व गरेको टिम प्रती केहि आशा र बिश्वास ब्यावसायिक हकहितका लागि देखा परेको टिप्पणी गर्दै चुन्ना नेतृत्वको टिमप्रती खजुराबासीले सकारात्मक रुपमा लिएको बताएका छन ।
खजुराको व्यापार ब्यवसाय र समस्यालाई निर्वाचन पछि पक्कै चुन्ना समुहले समेट्ने समेत आशा खजुराबासीले गरेको जनाए ।
अन्लाईन खोजखबरसंग नेपालगञ्ज हिमालय साइकिल हाउसका प्रोप्राईटर तथा हज समितीका केन्द्रिय सदस्य मेराज अहमदले भने, राजनीतिक आन्दोलन र पार्टीबाट उत्पादित मान्छे होइन चुन्ना शुद्ध ब्यपारी हो, ब्यापारीहरूको सबै समस्या चुन्नाको आफनै समस्या हो, उनि भन्दा राम्रो अनुभव ब्यपारीहरूको समस्या पहिचान निराकरण गर्ने उनी जस्तो मानसिकता अरू कसको नरहेको दाबी गरे ।
चुन्नाले हल्ला मचाउनु भन्दा राम्रो कार्य गरेर देखाउदै आएको भन्दै उनले चुन्नाको साथमा धेरै कार्यकालको अनुभव रहेको बताए।
उनले युवा ब्यपारीहरूको समस्या बुझ्दै आएको नया अनि राम्रो गर्ने क्षमता समेत रहेको दाबि गरे । चुन्ना सामाजिक ब्यापारी भएकाले जसले सबैलाई मिलाएर लैजाने खुबी सबै भन्दा ठुलो उपलब्धि रहेको बताए ।
ब्यापारीको नाताले मेरो भनाई यो हो कि ब्यापार संघलाई शुद्ध ब्यापारीहरूको संगठन बनाइ राख्नुपर्छ नत्र ब्यापारीहरूको दुर्दशा बढेर जानेमा ठोकुवा गरे ।
नेपालगञ्जमा, उद्योग बाणीज्य संघमा ब्यापारीहरूको निर्वाचन हो कि कांग्रेस राजपा राप्रपा र कम्युनिस्ट पार्टीको चुनाव हो ?
ब्यापारी हरूको शुद्ध ब्यापार संघलाई राजनीतिक संघ बनाइदै आइएको कारण ब्यापारीहरूको ब्यापार संघठनले ब्यापारी हरूको समस्या मुद्दा ओझेलमा पार्दै गएको आम नागरिकको गुनासो रहेको छ ।
ब्यापार संघलाई ब्यापारीहरूको संघमा, प्रणित गर्ने आट देखाउन सक्नुपर्छ त्यस पश्चात मात्र नेपालगंजका ब्यापारी हरूको भलो हुने हो नत्र जे थियो त्यो भन्दा बढ़ी घाटा ब्यापारीहरुले भोग्नु पर्ने नेपालगंजका ब्यापारी हरुको भनाई रहेको छ ।
माघ ११ मा हुने संघको अधिवेशनमा ३ हजार ४४ जना साधारण सदस्यले नेतृत्व चयन गर्नेछन् । जस अन्तर्गत समावेशी प्यानलका पदमा ब्यापारी तथा उद्योगपति नामावली निम्न रहेको छ ।
अध्यक्ष अब्दुल वाहिद मन्सुरी (चुन्ना), वाणिज्य उपाध्यक्ष ज्ञानेन्द्र कुमार श्रेष्ठ, उद्योग उपाध्यक्ष आदेश कुमार अग्रवाल,
सदस्यमा अब्दुल वाहिद अन्सारी (बब्लु), टंक बहादुर धामी, श्याम सुन्दर अधिकारी, चिरञ्जीवी ओलि, हरिलाल न्यौपाने, राजेश कुमार वैश्य, धर्मराज अर्याल, विजय भण्डारी (बासु), जहाँगिर मुसलमान, सुनिल कुमार बनिया, मन्दिरा पाण्डे, भिम बहादुर रानाभाट रहेका छन ।
Discussion about this post