भिष्म लोधबाँके माघ १३ गते ।
बाँकेको बैजनाथ गाउँपालिका वडा नं. ५ अरनिकोनगर, जि गाउँस्थित प्रभात माध्यमिक बिद्यालयले सोमबार ५१ औं वार्षिक उत्सव मनाएको छ । बिद्यालयले सोमबार एक भब्य कार्यक्रममार्फत आफ्नो स्थापनाको ५१ वर्ष र अभिभावक दिवस मनाएको हो । दिवसका अवसरको अवसरमा बिद्यालयको बिकासमा सहयोग गर्ने चन्दा दाता, सहयोगी दाता, उत्कृष्ठ शिक्षक कर्मचारी, बिद्यार्थी र अभिभावकलाई सम्मानपत्रसहित सम्मानित गरेको छ । यस्तै बिद्यालयको समग्र वातावरण सुधारका लागि ६० लाख रुपैया बराबरको कार्यहरु गरेको र भइरहेकाले कार्यक्रम संचालन गर्ने गेरुवा ग्रामीण जागरण संघ बर्दिया र सहयोगी प्लान इन्टरनेशन नेपाललाई समेत प्रमाण पत्र तथा दोसल्लाले सम्मान गरिएको छ ।
बि.स.२०२५ सालमा स्थापना भई खरको झुपडीबाट अध्यापन शुरु गरेको बिद्यालयले बिभिन्न व्यक्तिहरुको सहयोगमा बिशाल नमूना बिद्यालयमा परिणत हुन सफल भएको छ । बैजनाथ गाउँपालिकाभित्र नमूना बिद्यालयका रुपमा आफ्नो नाम दर्ता गरेको छ । कार्यक्रमलाई सम्बोधन गर्दै बैजनाथ गाउँपालिकाकाका अध्यक्ष मान बहादुर रुचालले बिद्यालयमा हुने हरेक क्रियाकलापबाट सन्तुष्ट रहेको बताउनुभयो । उहाँले बिद्यालयको बिकास र गुणस्तरका निम्ति गाउँपालिका सदैव सहयोगी बन्न तयार रहेको प्रतिबद्धता जनाउनुभयो । गाउँपालिका अध्यक्ष रुचालले बिद्यालयलाई नमूना बनाउनका लागि बिद्यालय सेवा क्षेत्रभित्रका अभिभावकहरुलाई धन्यवाद दिँदै उहाँले यसलाई क्याम्पसका रुपमा परिणत गर्न आफ्नो तयारी रहेको उल्लेख गर्नुभयो । बिद्यालयमा हाल निजी बिद्यालयमा रहने हरेक सुबिधा उपलब्ध छ ।
बिद्यालयले अभिभावक तथा चन्दादाताको सहयोगमा बस सेवा संचालन गरेको छ । त्यस्तै बिद्यालय प्रदेश नं. ५ को सामाजिक बिकास मन्त्रालयबाट उत्कृष्ठ बिद्यालयका रुपमा पुरस्कृत समेत भएको छ । बिद्यालय व्यवस्थापन समितिका अध्यक्ष दल बहादुर सुनारले नमूना बिद्यालयको गुरुयोजना निर्माण र बिकास गर्ने योजना रहेको बताउनुभयो । साथै उहाँले निजी बिद्यालयसरह नै बिद्यालयमा अंग्रेजी माध्यमको कक्षा शुरु गर्ने र पाँच सय क्षमताको आधुनिक सभाहल निर्माण गर्ने बताउनुभयो । बिद्यालयका निमित्त प्रधानाध्यापक बाबुराम अधिकारीका अनुसार शुद्ध खानेपानी, मार्बल, हात धुने व्यवस्थासहितको सुबिधासम्म शौचालय रहेको बिद्यालयमा करिब हजार बढि बिद्यार्थी अध्ययनरत छन् । कार्यक्रमका प्रमुख अतिथि गाउँपालिका अध्यक्ष रुचालले बिद्यालयमा गेरुवाले निर्माण गरेको वाटर फिल्टर प्रबिधिको उद्घाटन गरिएको छ ।
Discussion about this post