बाँके माघ २५ गते । नेपालगञ्जस्थित आदर्श माविले विद्यार्थीका लागि शुक्रबार ट्यालेन्ट हण्ट कार्यक्रम गरेको छ । विद्यालय परिसरमा आयोजित विशेष कार्यक्रमको विद्यालय व्यवस्थापन समितिका अध्यक्ष एवं संस्थापक सञ्जय थापाले विरुवामा पानी हालेर उदघाटन गर्नु भयो । शुभारम्भमा विद्यालयका एकेडेमिक एडभाइजर प्रकाश लामीछाने, संस्थापक सञ्चालक गिरिराज पौडेल लगायतले शुभकामना मन्तव्य दिनु भएको थियो । कक्षा नर्सरी देखि कक्षा १० सम्मका विद्यार्थीले विभिन्न विधामा आआफनो ट्यालेन्ट प्रस्तुत गरेका थिए । शिक्षक, विद्यार्थी लगायतको उपस्थिती रहेको कार्यक्रममा नृत्य, गायन, नाटक, हास्य व्यङ्य लगायतमा कला÷प्रतिभा देखाइएको थियो । स्रष्टा सुन्दर गुरुङ निर्णायक रहेको कार्यक्रममा विभिन्न सांस्कृतिक भेषभुषामा प्रस्तुती प्रस्तुत गरिएको थियो ।
फागुन १० गते हुने विद्यालयको वार्षिक कार्यक्रमको पुर्व तयारी स्वरुप आयोजित हण्ट कार्यक्रममा छनौट विद्यार्थीलाई सोही दिन पुरस्कृत गरिने विद्यालयले जनाएको छ । हरेक वर्ष गरिने अतिरिक्त यस्ता कार्यक्रमले विद्यार्थीको मनोवलका साथै प्रतिभा प्रस्फुटन हुने अवसर मिल्ने सहायक प्रधानाध्यापक टंक गौतमले बताउनु भयो ।
Discussion about this post