बाँके चैत २१ गते । कोरोना भाइरसको संक्रमणको जोखिमबाट बच्नका लागि बाँकेको डुडुवा गाउँपालिकाले घर घरमा साबुन र मास्क वितरण शुरु गरेको छ । गाउँपालिकाको वडा नंं १ देखि ६ नंं वडाका झण्डै १० हजार घरधुरीलाई महामारीको संक्रमणबाट जोगिन सरसफाईमा विशेष ध्यान दिने उद्देश्यले साबुन र मास्क वितरण शुरु गरिएको गाउँपालिका अध्यक्ष नरेन्द्रकुमार चौधरीले बताउनुभयो । उहाँका अनुसार गाउँपालिकामा अति गरिब तथा विपन्न परिवारसंगै मधेशी समुदायको बाहुल्यता बढी भएकाले नागरिकहरुले सरसफाईमा विशेष ध्यान दिन र मास्कको प्रयोगको बानी बसाल्नका लागि साबुन र मास्क वितरण शुरु गरिएको हो ।
प्रत्येक घरधुरीलाई दुई वटा साबुन र ४ वटा मास्क वितरण गरि स्वास्थ्य सचेतना र परामर्श दिने प्रमुख प्रशासकिय अधिकृत प्रशुराम उपाध्यायले बताउनुभयो । उहाँका अनुसार त्यसका लागि ३–३ जनाको १८ समुह बनाइ ५४ जनालाई परिचालन गरिएको छ, र अभाव हुने स्थानमा सामाग्री ओसार पोसारका लागि थप ६ जनालाई तयारी अवस्थामा राखिएको छ । समुदायमा परिचालित समुहलाई विशेष सर्तकताका साथ हैण्डवास, सेनीटाइजर, मास्क, ग्लोब्ससहितको सामाग्री प्रदान गरिएको छ ।
टोलीले समुदायका हरेक घर घरमा गएर रोगको संक्रमण, सरसफाइका बारेमा जानकारी, लकडाउनको पुर्ण पालना गराउनुका साथै नागरिकका गुनासा र सुझाव समेत संकलन गर्ने छ । वडा नंं १ होलियामा टोलीलाई आज सामाग्री हस्तान्तरण गर्दै गाउँपालिका अध्यक्ष चौधरीले अहिलेको महासंकटका बेला नागरिकहरु उच्च सर्तकता अपनाई स्वास्थ्य सरसफाईमा विशेष ध्यान दिनुपर्नेमा जोड दिदै सरकारले गरेको लकडाउनको पुर्ण पालना गर्न अत्यावश्यक काम बाहेक कुनै पनि नागरिक घर बाहिर ननिस्कन आग्रह गर्नुभयो । सो अवसरमा प्रमुख प्रशासकिय अधिकृत प्रशुराम उपाध्याय, बेतहनी स्वास्थ्य चौकी इन्चार्ज हेमन्त शर्माले कोरोनाको संक्रमणका बारेमा बोल्नु भएको थियो । यसैविच गाउँपालिका अन्र्तगत निमार्ण गरिएको ११ बेडको क्वारेन्टाइन र औषधी भण्डारण गरिएको स्टोरको समेत अनुगमन गरिएको थियो ।
Discussion about this post