बाँके जेठ ९ गते ।
बाँके जिल्लाका पहिलो संक्रमित ६० वर्षीय व्यक्तिसँगै २१ जना कोरोनाबाट निको भएका छन्।बाँकेस्थित सुशील कोइराला प्रखर क्यान्सर अस्पताल खजुराको आइसोलेसन वार्डमा उपचाररत नेपालगन्ज उपमहानगरपालिका २१ जनाको पुनः परीक्षण रिपोर्ट नेगेटिभ आएकाले डिस्चार्ज गरिएको बाँकेका कोरोना फोकल पर्सन नरेश श्रेष्ठले बताए।‘उहाँ सबै नेपालगन्ज उपमहानगरपालिकाकै हुनुहुन्छ,’ श्रेष्ठले भने ‘ रि टेष्ट गर्दा उहाँहरुको रिपोर्ट नेगेटिभ आएको हुँदा घर पठाईएको छ।
नेपालगन्ज ७ का ६० बर्षका पुरुष र अरु २० जना नेपालगन्ज ८ का हुन । बाँकेका पहिलो संक्रमीत ६० बर्षका पुरुषको तेसो पिसिआर रिपोर्ट नेगेटिभ आएको हो । उनको पहिलो र दोस्रो रिपोर्ट पोजेटिभ आएको थियो । पहिलो संक्रमीत बैशाख २१ गते अस्पतालको आइसोलेसनमा राखिएको थियो भने आज डिस्चार्ज हुन लागेकालाई २३ गते राखिएको हो । बांकेमा संक्रमीत संख्या १०१ मध्य २१ जना कोरोना भाइरस जितेर घर फर्किएका हुन। नरैनापुरका युबाको भने कोरोनाबाट मृत्यु भएको थियो ।
Discussion about this post