काठमाडौ जेठ २२ गते ।
घटना भएको झण्डै दुई साता हुन लाग्दा सत्तारुढ दल नेकपाले रुकुम घटनाका बारेमा पहिलो पटक प्रतिकृया दिएको छ । जेठ १० गते रूकुम पश्चिममा भएको एक घटनामा ६ जनाको ज्यान गएको थियो । सो घटना जातीयताका कारण भएको भन्दै सवत्र विरोध जारी छ ।
घटनाको १२ दिनपछि नेकपाले धारणा सार्वजनिक गरेको हो । नेकपाले सो घटनाको निष्पक्ष छानबिन गर्न, र दोशीलाई कारवाही गर्न सरकारसंग माग गरेको छ । घटना भएको लामो समय हुँदा पनि नेकपाले कुनै प्रतिकृया नदिएको भन्दै विरोध भएको थियो । घटनाका बारेमा पूर्व गृहमन्त्री समेत रहेका रुकुमकै सांसद जनार्दन शर्मा प्रभाकरले संसदमा आफ्नो कुरा राख्दा कांग्रेसका सांसदहरुले हल्ला गरेका थिए ।
त्यो वाहेक सो घटनाका बारेमा नेकपाको तर्फवाट कुनै औपचारीक प्रतिकृया आएको थिएन । नेकपाका महासचिव विष्णु पौडेलले बुधबार वक्तव्य जारी सो घटनाका बारेमा पार्टीको धारणा सार्वजनिक गरेका हुन्। ‘रूकुम पश्चिममा घटित घटनाले हामी सबैलाई गम्भीर र चिन्तित तुल्याएको छ।
हाम्रो पार्टी उक्त वीभत्स, त्रासदीपूर्ण र अपराधिक कुकृत्यको घोर निन्दा र भत्र्सना गर्दछ’, महासचिव पौडेलले वक्तव्यमा लेखेका छन्, ‘उक्त घटनाको निष्पक्ष छानबिन गर्न, अपराधीहरूलाई कडाभन्दा कडा कारबाही गर्न र पीडि’तहरूलाई क्षतिपूर्ति दिलाउन पार्टी सरकारको गम्भीर ध्यानाकर्षण गर्दछ।’ जाजरकोट भेरी नगरपालिका–४ का नवराज विकले प्रेमिकालाई दुलाही बनाएर भित्र्याउने भन्दै १९ जना साथी लिएर रुकुम गएको बेलाा भएको घटनामा उनी सहित ६ जनाको ज्या’न गएको थियो ।
उनी रूकुम पश्चिमको चौरजहारीमा रहेकी प्रेमिका लिन १८ जना साथीसहित पुगेका थिए। त्यही बेला उनीसहित गणेश बुढा, सन्दीप विक, लोकेन्द्र सुनार, टीकाराम सुनार र गोविन्द शाहीले स्थानीयको आक्रमणमा ज्यान गुमाएका थिए। चौरजहारी–८ सोती गाउँका स्थानीयले ढुंङगामुढा गर्दै तीनतिर घेरा हाली खेद्दा भेरी नदीमा उनीहरूको ज्यान गएको जनाइएको छ।
उक्त घटनापछि वडाध्यक्षसहित १८ भन्दा बढी स्थानीयलाई प्रहरीले पक्राउ गरी अनुसन्धान गरिरहेको छ। घटनामा संलग्न रहेको भनिएका अझ २ जना फरार छन् ।
Discussion about this post