काठमाडौं असार ८ गते ।
विश्व स्वास्थ्य संगठन (डब्ल्यूएचओ)को नेपाल कार्यालयले कोरोना भाईरस कोभिड–१९ को महामारी कायमै रहेकाले पर्याप्त सर्तकता अपनाउन सार्वजनिक रुपमा अपिल गरेको छ । नेपाल सरकारले सुरुको ढाइ महिला लकडाउनमा कडाइ गरेपनी पछिल्लो समय लडकडाउन खुकुलो बनाएको छ ।
कोरोना भाइरस (कोभिड–१९ को महामारी टरिनसकेकाले सतर्कता अपनाउनुपर्ने संगठनका प्रमुख डाक्टर जोस भ्यान्डेलरले बताएका छन् । उनले भने, ‘हामीले याद गर्नुपर्ने के हो भने महामारी अझै पनि छ र हामी अझै पनि संक्रमित हुन सक्छौं । तसर्थ हामी अलि होसियार हुनु जरुरी छ ।
लकडाउन खुकुलो भएसँगै कार्यालयहरू सञ्चालनमा आएको तथा मानिसहरूको एक आपसमा भेटघाट बढेको भन्दै उनले सबै आफ्नो तर्फबाट सर्तक हुनु जरुरी रहेको बताए । संक्रमण नियन्त्रणका लागि प्रत्येक व्यक्तिले आफ्नो जीवनशैली र कार्यशैलीमा परिर्वतन ल्याउनुपर्नेमा उनले जोड दिए ।
मानिसहरूको भिडभाडमा नजाने, जानै परे दुरी कायम गर्ने, मास्क लगाउने तथा बेलाबेलामा साबुन पानीले हात धुन आग्रह गरे । डब्ल्यूएचओका भ्यान्डेलरले भनेका छन्, ‘भाइरस नियन्त्रण गर्नका लागि लकडाउन एउटा उपाय थियो भने अर्को उपाय भनेको हामीले नियमहरू पलना गर्नु हो ।
त्यसैले उनले सबैलाई अनुशासन भित्र रहेर नियमपुर्वक बस्न अनुरोध समेत गरेका छन् ।
Discussion about this post