बाँके असार १३ गते ।
बाँकेका विभिन्न ३ वटा आईसोलेशनबाट २३ जना कोबिड–१९ नोबल कोरोना भाइरसको संक्रमणबाट मुक्त भैइ डिस्चार्ज भएका छन् । भने २ जना नयाँ संक्रमित थपिएका छन् ।
जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले दिएको जानकारी अनुसार नेपालगञ्जको आदर्शनगर आईशोलेशन सेन्टरबाट राप्तीसोनारी गाउपालिकाका ११ जना, कृषि तालिम केन्द्र खजुराको आईसोलेशन सेन्टरबाट खजुराका ३ र सुशील कोईराला प्रखर क्यान्सर कोरोना अस्पतालबाट नेपालगञ्जको १, राप्तीसोनरीका २, बर्दियाका ५ गरी ८ जना कोरोना मुक्त भएर डिस्चार्ज हुने भएका हुन ।
उनले बाँकेका विभिन्न आईशोलेशनमा शनिबारसम्म ४६ जना कोरोना संक्रमित रहेको जानकारी दिएका छन् । बाँकेमा हालसम्म ३५० जना संक्रमित रहेकोमा ३०२ जना संक्रमण मुक्त भएको र कोरोना संक्रमणको कारण २ जनाले ज्यान गुमाएका छन् । यसैबीच भेरी अस्पतालको मोडिकुलर ल्याबमा गरिएको कोरोना परिक्षणको शनिबार दिउसो १ बजे सार्वजनिक भएको नतिजा अनुसार बाँकेमा २ जना संक्रमित थपिएका छन ।
अस्पतालले जारी गरेको सूचनामा राप्तीसोनारी ८ का २५ वर्षिय पुरुष र कोहलपुर–८ का ३५ वर्षिय पुरुष रहेका छन । सो रिर्पोटको अनुसार बर्दियाको मधुवनका २ जना, ठाकुरबाबा र गेरुवाका १–१ जनामा संक्रमण पुष्टि भएको हो ।
पछिल्लो समय बाँके जिल्लामा अन्य जिल्लाहरुको तुलनामा संक्रमण संख्या न्यून हुँदै गएको स्वास्थ कार्यलय बाँकेले जानकारी गराएको छ।
Discussion about this post