बाँके असार २२ गते ।
नेपालगञ्ज मेडिकल कलेज नेपालगञ्जमा कार्यरत १०७ जना चिकित्सक र स्वास्थ्यकर्मीको कोरोना भाइरस परीक्षणका लागि नमूना संकलन गरिएको छ । कोरोनाको कहरका विच फ्रन्टलाइनमा रहेर काम गरेकाहरुको कोरोना परिक्षण गर्ने अभियान अन्र्तगत पीसिआर परिक्षणका लागि शिक्षण अस्पतालका १०७ जना चिकित्सक लगायतका स्वास्थ्यकर्मीहरुको स्वाब संकलन गरिएको नेपालगञ्ज शिक्षण अस्पतालका सहायक निर्देशक डा रोमन किदवाईले बताउनुभयो ।
अस्पतालको आइसोलेसन, शल्यक्रिया विभाग, मेडिसिन विभाग, प्रयोगशाला, आइसियु, आपातकालिन सेवा, ओपीडि विभाग, विभिन्न वार्डमा खटिनु भएमा चिकित्सक र अन्य स्वास्थ्यकर्मीको कोरोना परिक्षणका लागि स्वाब संकलन गरिएको अस्पतालका बरिष्ठ फिजिसियन डा.आसिम किदवाईको भनाइ छ ।
स्वाब संकलन गर्ने कार्य शिक्षण अस्पतालकै स्वास्थ्यकर्मीहरु मनिष कुमार गुप्ता, डम्बर डाँगी र मुनिर अहमद खानले गर्नु भएको थियो भने सो कार्यमा डा. एमडी आजम, डा.हर्षित पाठक, प्रशासन अधिकृत कुमार अधिकारी तथा प्रशासनका रईस शाहीले सहयोग गर्नु भएको थियो ।बाँकेका कोरोना फोकल पर्सन नरेश श्रेष्ठका अनुसार कोरोना परिक्षणका लागि सोमवार मात्र १२१ वटा भिटिएम शिक्षण अस्पताललाई प्रदान गरिएको छ ।
हालसम्म बाँकेमा ३६८ जना संक्रमित भएकोमा हाल २७ जना मात्र निको हुन बाँकी रहेको तथा ३३९ जना निको भएर घर फर्किएको तथा २ जनाको मृत्यु भएको जिल्ला प्रशाससन कार्यालयले जनाएको छ ।
Discussion about this post