बाँके भदौ १ गते ।
नेविसंघले महेन्द्र बहुमुखी क्याम्पसको प्रशासन फाँटमा तालाबन्दी गरेको छ । नेविसंघ इकाई समितिले सोमवार नेपालगञ्जस्थित महेन्द्र बहुमुखी क्याम्पसको प्रशासन शाखामा तालाबन्दी गरेको हो ।
पक्राउ परेका आफ्ना नेता कार्यकर्ताको रिहाईको माग गर्दै तालाबन्दी गरिएको नेविसंघले जारी गरेको विज्ञप्तिमा उल्लेख छ । त्रिभुवन विश्वविद्यालयमा विधिविधानलाई तिलाञ्जली दिँदै अवैधानिक नियुक्ति गरी निरंकुशतापूर्वक थुपार्ने प्रबृत्तिको विरोध गर्दा पक्राउ परेका नेविसंघका नेता कार्यकर्ता रिहाईको माग गर्दै तालाबन्दी गरिएको इकाई सभापति चन्द्रप्रकाश देवकोटाद्वारा जारी विज्ञप्तिमा भनिएको छ ।
पक्राउ परेका नेता कार्यकर्तालाई तत्काल रिहा गरी प्राज्ञिक वातावरण निर्माण गर्न विज्ञप्तीमार्फत माग गर्दै माग पुरा नभए चरणबद्ध आन्दोलन गर्ने चेतावनीसमेत दिइएको छ ।
ADVERTISEMENT
Discussion about this post