बाँके भदौ ४ गते ।
कोहलपुर। समुदाय स्तरमा कोरोना फैलीएको भन्दै कोहलपुर नगरपालिकाले बन्दाबन्दिलाई ५ दिन थप गर्ने निर्णय गरेको छ ।
कोहलपुर नगरपालिकामा बसेको सर्वपक्षिय बैठकले समुदाय स्तरमा कोरोना फैलीएको भन्दै भाद्र १० गते सम्म बन्दाबन्दि थप गर्ने निर्णय गरेको कोहलपुर नगरपालिकाका प्रमुख लूट बहादुर रावतले बताएका छन् ।
बिहीवार नगर प्रमुख लूट बहादुर रावतको अध्यक्षतामा बसेको सर्वपक्षिय बैठकमा समूदाय स्तरमा कोरोना संक्रमण बढेकाले बन्दाबन्दीलाई थप गर्ने प्रस्तावलाई सर्वसहमतिले पास गर्दै भाद्र ६ गतेदेखि थप कडा बनाउने निर्णय भएको बैठकमा सहभागी इलाका प्रशासन कार्यालयका प्रतिनिधी बसन्तकमल आचार्यले बताए ।
बैठकले नगर क्षेत्र भित्र एम्वुलेन्स,शववहान र अतिआवश्यक सेवाका ढुवानीका साधन बाहेक नगरपालिकाको कार्यालय,सवै वडा कार्यालय र शाखा कार्यालयहरु, नगरपालिका क्षेत्र भित्र रहेका सबै सरकारी तथा गैरसरकारी संघ संस्था, बैंक तथा वित्तिय संस्था, होटेल रेष्टुरेन्ट, उद्योग व्यवसाय तथा बजार, शिक्षण संस्था सबै बन्द गर्ने निर्णयको साथै यसबर्षको हरितालिका तिज पर्व सम्पुर्ण महिला दिदिबहिनीहरुलाई घरमै साबधानी अपनाएर मनाउन समेत आग्रह गरिएको बताएका छन् ।
Discussion about this post