ताहिर शेष राई, साहिल
बाँके कार्तिक २ गते ।
नेपालगन्ज उपमहानगरपालिका वडा नं. ३ को कार्यालयले विकास निर्माणका कामलाई प्राथमिकतामा राखेर अघि बढेको स्पष्ट पारेको छ । निर्वाचन जितेर आएपछि विकास निर्माणलाई प्राथमिकता दिएको वडाअध्यक्ष अय्यूब सिद्दिकीले जानकारी दिनुभयो ।
उहाँका अनुसार, आफ्नो वडामा नाला र ढल समस्या निकै भएको भन्दै त्यसको सम्वोधनका लागि प्राथमिकता दिएर काम गरिएको बताउनुभयो । दुराअवस्थामा रहेका बाटोहरु निर्माण गरिएको उहाँले बताउनुभयो । ‘यहाँ बर्षौदेखि सडक, ढल र नालाको समस्या थियो उहाँले भन्नुभयो–‘त्यो समस्या समाधानमा वडा कार्यालयले ठूलो लगानी गरेको छ ।’ उहाँले अहिले वडाका प्रत्येक गल्ली पिसिसी भएको बताउनुभयो ।
लक्ष्मी हल, नेपाली मस्जिद, कुमारन टोल पीसीसी, कसगड टोल बाटो साई बाटो पनि पीसीसी गरिएको उहाँले बताउनुभयो । सबैभन्दा ठूलो समस्या भनेको एक्लैनी सडक फराकिलो गर्नु छ । तर अहिले त्यसको काम ९५ प्रतिशत पुरा भइसकेको अध्यक्ष सिद्दिकीको भनाइ छ । एडिवीको रकमबाट बाटो बनाउने योजना थियो ।
तर घरधनीले घर भत्काउन अटेरी गरेका कारण एडिवीले सहयोग गरेन् । केहीले अझै घर भत्काउन अटेरी गरेका छन् । उनीहरुलाई पटक पटक सूचना जारी गरिएको उहाँले बताउनुभयो । फेरी पनि उनीहरुलाई घर भत्काउन सात दिने सूचना जारी गरिएको छ ।
बाटोघाटो नै विकासको प्रमुख आधार भएको भन्दै उहाँले लक्षित वर्गका कार्यक्रमलाई पनि प्राथमिकता दिएको बताउनुभयो । उहाँले अव तत्काल वडा कार्यालयको आफ्नै भवन निर्माण गर्ने तयारीमा रहेको पनि जानकारी दिनुभयो । जग्गाको टुंगो लागिसकेको जानकारी दिँदै उहाँले भवनको नक्सा समेत तयार भसकेको बताउनुभयो ।
अर्को बर्ष भवन बनाउने योजनामा आफु रहेको उहाँको भनाइ छ । अव आफ्नो योजना भनेको लक्षितवर्गहरुको क्षमता बृद्धि गराउने रहेको बताउनुभयो । युवाहरुलाई रोजगारी सिर्जना गराउने खालका कार्यक्रम ल्याउने बताउनुभयो ।
Discussion about this post