वसिम अन्सारी
बाँके भदौ १८ गते ।
बाँकेमा चार किलो सुनसहित दुई जना पक्राउ परेका छन् । उनीहरुलाई नेपालगन्जको राँझा विमानस्थलबाट पक्राउ गरिएको हो ।
यो बाँके प्रहरीलाई ठूलो सफलता हो ।
दिउँसो सवा ३ वजे श्री एयरको विमानवाट काठमाण्डौ देखि आएका झापा खादुवानावारीका २६ वर्षका अमिर लगुन विश्वकर्मा र मोरंग लेटारका २६ बर्षकै वुद्धिमान खाती चार किलो बढी सुनसहित पक्राउ परेका हुन् ।
उनीहरुको गतिविधि शंकास्पद देखिएपछि विमास्थलको आगमन कक्ष वाहिर प्रहरीले रोकेर चेकजाँच गरेको थियो । त्यसक्रममा विश्वकर्माले लगाएको जुत्ताको दाँयाबाँया र दुई दुईवटा सुनको विस्कुट र खातीले लगाएको जुत्ताको तलुवामा एकएक पिस विस्कुट भेटिएको बाँकेका एसपी श्यामकृष्ण अधिकारीले जानकारी दिनुभयो ।
सुनको ६ थान विस्कुटको तौल ३ किलो ९९४ ग्राम रहेको फेला परेको हो । त्यस्तै खातीले बोकेको लेदरको कालो रंगको झोला चेकजाँच गर्दा तिलहरी वाला, गणेश लकेट ५ थानगरी २७. ४९ ग्राम गरि ४ किलो २१.४९ ग्राम सुन बरामद भएको एसपी अधिकारीले बताउनुभयो ।
यो सुन कहाँबाट कहाँ लगिदै थियो भन्नेबारे अझै केही नखुलेको र अनुसन्धान भइरहेको प्रहरीले जनाएको छ । बरामद सुन र पक्राउ व्यक्तिलाई राजश्व अनुसन्धान कार्यालय कोहलपुर पठाइने भएको छ ।
भिडियो सहित
Discussion about this post