खोजखबर संवाददाता
बाँके भदौ २३ गते ।
लागु औषध कारोवारी र प्रयोगकर्ताका लागि नेपालगन्ज उपयुक्त स्थल बन्दै गएको छ । सीमावर्ति भारतसँग जोडिएको सहर भएकाले पनि लागु औषधको सहज पहुँच हुँदा नेपालगन्ज उपयुक्त स्थल बन्दै गएको हो ।
यहाँ प्रयोगकर्ताले आफ्नो लत मेटाउने मात्र गर्दैनन् ठूलठूला कारोवारीले रातारात कमाएर करोडपति पनि बनेका छन्् । त्यसका उदाहरणकारुपमा प्रशस्तैलाई लिन सकिन्छ । यहाँसम्मकी नेपालगन्जमा घर भाडामै लिएर कारोवार भइरहेको समेत प्रहरीले फेला पारेका छन्।
प्रहरीले दैनिक जस्तो प्रयोगकर्ता तथा कारोवारीहरुलाई पक्राउ गरिरहेको छ । खासगरी खुलासीमा नाकाका कारण यहाँका प्रयोगकर्ता रुपैडिहा गएर लागु औषधको प्रयोग गर्छन्।
उतैबाट बोकेर आउनेपनि गर्छन्। कारोवारीहरुले उतैबाट लागु औषध ल्याउने गरेका छन् । यसरी लागु औषधको बढ्दो प्रयोग र कारोवारमा प्रहरीको संलग्नता समेत देखिने गरेको छ ।
लागु औषध नियन्त्रण व्यूरोले सुराकीमा युवाहरु परिचालन गर्ने गर्छ । उनीहरुले पनि लागु औषध प्रयोग गर्ने र किन्ने बिक्री गर्छन् । रुपैडिहाका पसलहरुमा उनीहरु ग्राहक बनेर जाने गर्छन् । त्यहाँ ग्राहक बनेर गएकाहरुलाई कारोवारी तथा प्रयोगकर्ताहरुले आफु जस्तै सम्झने भएकाले भेउ पाउन्न् । तिनैहरुलाई पछ्याउँदै उनीहरु नाकामा आउँछन् । र, सुराकीका माध्यमबाट उनीहरु पक्राउ पर्छन् ।
व्यूरोले यसरी राखेका उनीहरु भने स्वयम लागु औषधका डिलर हुन् । डिलरै खोलेर बसेका उनीहरुले व्यूरोलाई मोटो रकम दिने गरेको स्रोत ले बताउँछ ।
सेटिंग नमिलेपछि पक्राउ पर्ने गरेको बताइन्छ। व्यूरोमा लामो समयदेखि रजाइ गर्दै आएका छन सइ प्रेम अधिकारी । सेटिंगको सम्पूर्ण वातावरण यिनै अधिकारीले मिलाउने गरेका छन् ।
करिव लामो वर्षदेखि नाकामा बस्दै आएका उनले सेटिंग नमिलेकालाई पक्राउ गर्छन् । यहाँसम्म उनले संन्जाल विस्तार गरिसकेका छन् की तस्करहरुसँग पनि महिनावारी उठाउने गरेका छन् ।
उनले खासगरी धनाड्य परिवारका छोराछोरीसँग सेटिंग गर्ने गर्छन् । यसो गर्दा मोटो रकम आउँछ । उनीहरुलाई सहजै रुपैडिहा जान दिने गरेका छन् ।
अनलाइन खोजखबरलाई विश्वस्त स्रोत भन्छ लागु औषध व्यूरोको टोलीले नाकामा गतिलो रकम कमाइरहेका छन्।
Discussion about this post