बाँके मंसिर २८ गते
नेपालगन्ज विद्युत अस्थायी प्रहरी पोष्टका इन्चार्ज लखन चौधरी कमाउ धन्दामा सक्रिय भएका छन् । आफ्नो जिम्मेवारी भन्दा बाहिर गएर चौधरीले नीति र संगठन विपरीतको काम गर्दै आएका छन् ।
सवारी चेकजाँचका नाममा बुलुबक र लाइसेन्स चेकजाँच गर्ने जिम्मेवारी ट्राफिक प्रहरीको हो । तर उनले ट्राफिक प्रहरीसँग मिलेर चेकजाँचका नाममा रकम असुली गर्ने गरेको सवारी चालकहरुले बताउने गरेका छन् ।
वसपार्कमा चौधरीले ट्राफिक प्रहरी र नेपाल प्रहरीको संयुक्तमा चेकिङ गर्न लगाएर मोटो रकम कमाउने गरेका छन । अवैध रुपमा आउने ट्याक्टर र टिपरबाट रकम असुली गरेको खुलेको छ ।
यो भन्दा अगाडि पनि असुल्ने काम गर्दै आएको भएपनि माथिल्लो तहले कुनै कारवाहीको दायरमा ल्याउन सकेको छैन् ।
अवैध रुपले बालुवा र मोरङ ल्याएको ट्याक्टर र टिपरबाट उनले सवारी चेकजाँचका नाममा मोटो रकम असुल्ने गरेको स्वयम सवारी चालकहरुले गुनासो सुनाएका छन् । ओभर लोड गाडी र खोलाबाट ल्याएको मोरङ र बालुवा सहित गाडीलाई कार्वाही गर्नु पर्ने हो । तर चौधरीले सेटिङ मै छोड्ने गरेका छन् ।
उनले लाइन मिलेको गाडीलाई ट्राफिक प्रहरीलाई जरिवाना नगर्न समेत भन्ने गरेका छन् । कागज पत्र नभएको मोटरसाइकल सित रिचार्ज र १०० देखि २०० सम्म असुल्ने गरेका छन् । ट्राफिकले रसिद काट्नु पर्ने हो तर रसिद नदिएर प्रहरीले १०० देखि २०० रुपैयाँ लिएर छाड्ने गरेका छन् ।
उले मातहतका हवल्दारदेखि जवानहरुलाई असुलीको निर्देशन दिएका छन् । माथिल्लो निकायमा बुझाउनु पर्छ भन्दै उनले असुली धन्दालाई तीब्रता दिएका हुन् ।
Discussion about this post