बाँके पुस १२ गते ।
नेपालगन्ज लागु औषध कारोवारी र प्रयोगकर्ताहरुको लागि ट्रान्जीट प्वाइन्टकारुपमा परिचित रहेको छ । त्यही भएर प्रहरीले पनि निगरानी बढाएको छ ।
यसैक्रममा सोमवार ठूलो परिमाणको लागु औषधसहित नेपालगन्जको जमुनाह नाकाबाट एकजना पक्राउ परेका छन् ।
जमुनाह नाकामा खटिएको प्रहरीको टोलीले लम्किचुहा नगरपालिका–४ बस्ने २४ वर्षीय कर्ण बोगटीलाई पक्राउ गरेको बाँके प्रहरीले जनाएको छ ।
बोगटीको साथबाट फेनिरामाइल एभिल २१५ पिस, नाइट्रोभेट १० पिस र ट्रामाडोल २१० पिस बरामद भएको छ । नेपालमा प्रतिबन्धित उक्त लागु औषध बोगटीले भारतबाट नेपाल भित्र्याउने तयारी गरेका थिए ।
विशेष सूचनाका आधारमा प्रहरीले उनीमाथि खानतलासी गरेको थियो । उनलाई थप कारवाहीका लागि जिल्ला प्रहरी कार्यालयको हिरासतमा राखेर अनुसन्धान सुरु गरिएको प्रहरीले जनाएको छ ।
ADVERTISEMENT
Discussion about this post