बाँके माघ ४ गते ।
बाँकेको डुडुवा गाउँपालिकास्थित बभनपुर्वा सामुदायिक वनमा रुख काटिरहेका दुई जना उपभोक्ता समितिका पदाधिकारी पक्राउ परेका छन् ।
डुडुवा गाउँपालिका वडा नं ४ र ५ मा रहेको बभनपुर्वा सामुदायिक वनमा उपभोक्ता समितिका अध्यक्ष बिट्टी कुर्मीका छोरा दिनेश कुमार बर्मा र उपभोक्ता समितिका सचिव सलामुद्दिन साई अबैध रुख काट्दै गरेको अवस्थामा पक्राउ परेका हुन् ।
सामुदायिक वनमा रुख काटिरहेका बेला इलाका डिभिजन वन कार्यालय राँझाले उनीहरुलाई पक्राउ गरेको हो ।
उपभोक्ता समिति पदाधिकारीको उपस्थितिमा रुख कटानको कार्य भइरहेको थियो । डिभिजन वनको टोली घट्नास्थलमा पुग्दा पदाधिकारी फरार भएको र दुई जना घट्नास्थलबाट पक्राउ परेका हुन ।
जिल्ला वन कार्यालय बाँकेका जिल्ला वन अधिकृत दधिलाल कंडेलले दुई जना पक्राउ परेको पुष्टि गर्नुभयो । उहाँका अनुसार वन उपभोक्ता समितिका अध्यक्षका छोरा र समिति सचिव साई पक्राउ परेको बताउनुभयो ।
उहाँका अनुसार काट्न अनुमति दिएको रुख बाहेकको रुख कटान गरेको भेटिएका कारण उनीहरुलाई पक्राउ गरिएको बताउनुभयो । उनीहरुका साथबाट करिब १२० क्वूफिट काठसहित एक ट्याक्टर नियन्त्रणमा लिइएको छ ।
जबकी स्थानीय काठको मात्रा सो भन्दा बढि रहेको दावी गर्छन । पक्राउ परेकाहरु दुई दिन भइसकेको र पक्राउ परेकाहरुलाई छुटाउने मिलोमतो भइरहेको कम्दीकै एक व्यक्तिले नाम नलेख्ने सर्तमा जानकारी दिएका छन् । उनले दुई ट्याक्टर काठ रहेको दावी गरेका छन् ।
भेटिएको काठको परिमाण र देखाउने परिमाणमा फरक रहेकाले सम्बन्धीत कार्यालयको समेत मिलोमतो रहेको स्थानीयले आशंका स्थानीयको छ ।
Discussion about this post