बाँके बैशाख १४ गते ।
व्यापारिक पृष्ठभूमिबाट राजनीतिमा होम्मिएका नन्दलाल बैश्य नेपालगन्ज उपमहानगरपालिकाको मेयरको प्रतिस्पर्धामा छन् । उनी राप्रपाबाट मेयर पदमा चुनाव लडेका छन् ।
नेपालगन्ज उद्योग बाणिज्य संघमा विभिन्न पदमा बसेर कुशलतापूर्वक जिम्मेवारी निर्वाह गरिसकेका उनी बैश्य समाजका अध्यक्ष समेत हुन् । बैश्य समुदायमा उनको छुट्टै प्रभाव छ । सानादेखि ठूलासम्मलाई सम्मान र मित्रतापूर्ण व्यवहार गर्ने गरेका कारण बैश्यलाई सबैले चिन्ने र रुचाउने गरेका छन् ।
राप्रपाबाट निर्वाचित नेपालगन्जका मेयर धवलशम्शेर राणाको विरासत जोगाउने बैश्यलाई ठूलो अवसर छ । किनभने बैश्य समुदायमा उनको पकेट मत छ । त्यतिमात्र होइन व्यवसायिक क्षेत्रमा लामो समय नेतृत्वदायी भूमिकामा बसेर सेवा गरेका छन् व्यवसायिक मत पनि बैश्यलाई जाने देखिन्छ ।
सरल स्वभाव र अरुको सुखदुखमा साथ दिने भएकाले पनि बैश्यप्रति धेरैको झुकाप छ । उनले असम्भवभन्दा पनि सम्भव हुने कुराको प्रतिबद्धता जनाएका छन् । नेपालगन्जलाई लोडसेडिङमुक्त गराउने, नेपालगन्जलाई सरसफाइ र हराभरा पार्ने, पर्यटयिक गन्तव्यकारुपमा विकास गर्ने, धार्मिक पर्यटनको सम्भावनालाई मूर्तरुपमा दिने बैश्यको योजना छ ।
भौतिक पूर्वाधार निर्माण, मानवीय विकास, शिक्षा, स्वास्थ्य र खानेपानीलाई प्राथमिकता दिएर आम जनजिविकाका सवालमा आफुले नगरबासीको सेवा गर्ने बैश्यको भनाइ छ । नेपालगन्ज राप्रपाको बलियो क्षेत्र भएकाले पनि बैश्य मेयरका अरु उम्मेदवार भन्दा बलियो देखिन्छन् ।
सामाजसेवी समेत रहेका बैश्यले हिन्दुत्व, राजासहितको प्रजातन्त्र मुलुकको हितको लागि एकमात्र विकल्प भएको बताएका छन् । उनी आफ्नो चुनावी अभियानमा अहिले क्रियाशील भएर लागिरहेका छन् ।
Discussion about this post