बाँके बैशाख १९ गते ।
स्थानीय तहको निर्वाचनको दिन नजिकिदै जाँदा नेपालगन्ज उपमहानगरपालिकामा राप्रपाकोको तर्फबाट मेयर पदका उम्मेदवार नन्दलाल बैश्य र उपमेयर पदका उम्मेदवार विन्दु चर्तिमगरसहित बिभिन्न वडाका उम्मेदवारहरु चुनावी अभियान लिएर मतदाताका घर–घरमा पुगेका छन् ।
उम्मेदवार सहित चुनावी अभियान टोल, वस्ती र घर–घरमा पुगेपछि चुनावको राप्रपाको पक्षमा देखिएको छ। यसअघि नेपालगन्ज उपमहानगरपालिकामा राप्रपाले जितेको थियो ।
राप्रपाबाट नेपालगन्ज उपमहानगरपालिका–४ को वडाअध्यक्ष पदको चुनाव जित्नुभएका सफिक बेहनाले हाम्रो भन्दा राम्रो मान्छेलाई जिताउन आग्रह गरेका छन् ।
राप्रपाबाट निर्वाचित जनप्रतिनिधिहरुले कोरोना महामारीमा महत्वपूर्ण भूमिका निर्वाह गर्दै पार्टीको इज्जत जोगाउने काम गरेकाले यसपटकको निर्वाचनमा पनि बैश्य र चर्तिमगरलाई जिताउन उनको आग्रह छ ।
मतदाताका घर–घरमा पुगेका उम्मेदवारहरुले आफ्नो कार्यकाल भित्र गर्न सकिने विकासका अल्पकालिन र दिर्घकालिन योजनाहरु सुनाउँदै मत माग्न सुरु मेयर पदका उम्मेदवार बैश्यले बताए ।
नेपालगन्जको विकासका लागि आफुले गरेका प्रतिवद्धता पुरा गर्ने बताउँदै बैश्यले एकपटक अवसर दिन अनुरोध गरे । पदमा नभए पनि नेपालगन्जको विकासका लागि लागेका बैश्यले महत्वपूर्ण काम गर्दै आएका छन् ।
आफुहरु निर्वाचित भएर आएमा नेपालगन्जको विद्युत समस्या समाधान गरिने उनको भनाइ छ । यस्तै सडक कालोपत्रे, सामुदायिक विद्यालयको शैक्षिक गुणस्तर वृद्धि, कृषि पेशातर्फ युवालाई आकर्षित गर्ने लगायतका गाउँमै रोजगारी सिर्जना हुनेखालका कार्यक्रमहरु ल्याउने प्रतिबद्धता पनि बैश्यले गरेका छन् ।
Discussion about this post