बाँके बैशाख १९ गते ।
बाँकेमा सुन जस्तो देखिने धातुका गहनासहित एक जना पक्राउ परेका छन् । खजुरा गाउँपालिका वडा नम्बर २ एल गाउँस्थित सुबेदी चोकबाट सुनजस्तो देखिने पेहेलो पदार्थले बनेको करिब ७ सय ८९ ग्राम ३ मिलिग्राम विभिन्न गहनासहित बझाङको जयपृथ्वी नगरपालिका १ पिमी बस्ने २८ वर्षीय अशोक बहादुर सिंहलाई आइतबार साँझ प्रहरीले पक्राउ गरेको हो ।
शंकास्पद तरिकाले हिँड्डुल गरिरहेका उनलाई प्रहरी चौकी राधापुरबाट खटिएको प्रहरीले जाँच गर्ने क्रममा उक्त गहना सहित फेला पारी पक्राउ गरेको हो । प्रहरी नायब निरीक्षक रविन्द्र बमको कमाण्डमा गएको टोलीले पक्राउ गरेको हो ।
राधापुर प्रहरी चौकीको कमान्ड सम्हालेपछि बमको यो दोस्रो सफलता हो । यस सम्बन्धमा प्रहरीले थप अनुसन्धान गरिरहेको बताएको छ ।
बमको कमान्डमा यसअघि खजुरा गाउँपालिका १ बहादुरपुरबाट हतियारसहित लागु औषध कारोबारीलाई पक्राउ गरेको थियो ।
करिब ९० ग्राम ब्राउन सुगरसहित स्थानीय २५ वर्षका रबिन्द्र थापा, २७ वर्षका मनिष थापा र २८ वर्षको सुरेश मगरलाई पक्राउ गरेको थियो ।
Discussion about this post