मुगु असोज १२ गते । चुलोचौको र मेलापातमा सिमित हुने महिलाहरु पछिल्लो समय उनीहरुको मुहार फेरिदै गएका छन् । अघिल्लो पुस्ताका महिलाहरुले जीवन गुजारे पनि हालका छोरीबुहारी महिलाहरु भने गाउ घरमै स्वरोजगार हुनका लागि व्यवसायिक सीप रोज्ने गरेका छन ।
गाउघरकै विद्यालयमा उच्च शिक्षासम्म अध्ययन गरेका तर, रोजगारीका लागि लोकसेवा लगायत विभिन्न सरकारी तथा गैरसरकारी निकायमा प्रतिस्पर्धा गर्न नसक्ने छोरीबुहारीहरुको आत्मनिर्भरका लागि पहिलो रोजाई व्यवसायिक सीप बन्ने गरेको छ ।
गाउँघरमा सरकारी तथा गैर सरकारी निकायहरुले दिने विभिन्न आयआर्जन र व्यवसायिक सीप विकासका तालिमहरुमा पुरुष भन्दा महिलाहरुको सहभागिता बढ्दै गएको छ । पुरुषहरु रोजगारीका लागि भारत लगायत अन्य विदेशी मुलुकहरुमा जाने र गाउका महिलाहरु व्यवसायिक रुपमा विभिन्न पेशा अँगाल्न थालेको हुँदा अहिले गाउगाउमा महिलाहरुको अवस्था आत्मनिर्भर बन्दै गएका छन ।
प्रायः महिला तथा किशोरीहरु व्यवसायिक तरकारी खेती, सीलाई बुनाई, होजियारी उद्योग जस्ता व्यवसायमा आकर्षित भएका छन । अहिले महिलाहरु आफै प्रशिक्षक भएर अन्य प्रशिक्षार्थीहरु लाई सिकाउने समेत गरेका छन् ।
छोरी बुहारीहरुलाई सुईटर, टोपी , बुन्ने सीप सिकाउन अहिले महिलाले नै प्रशिक्षण दिने गरेका छन । घरेलु तथा साना उद्योग विकास समिति मुगुबाट तालिम पाएकि छायानाथ रारा नगरपालिका की धनमाया सिंह बुढा अहिले गाउघरका महिलाहरुलाई सुईटर, टोपी ,मोजा जस्ता सयौ प्रकारका बुन्ने सीप सिकाउदै आउनु भएको छ । उहाले अहिले शहर देखि गाउसम्मका महिलाहरुलाई विभिन्न होजियारी सम्बन्धि सिप सिकाउदै आउनु भएको हो ।
यस्तै साना तथा घरेलु उद्योग विकास समिति मुगुबाट तालिम पाएकि छायानाथ रारा नगरपालिका वडा नं १ कि ऐश्वर्य मल्ल पनि कपडा बुन्ने, सुईटर तथा गलबन्दी बुन्ने तालिम अन्य छोरी बुहारीलाई सिकाउदै आउनु भएको छ । मल्लले अहिले एक महिने होजियारी तालिम सिक्दै आउनु भएको छ । महिलाहरुमा पनि सीप र दक्षता भएर पनि पुरुषहरुले हेला गर्ने र परम्परागत निर्वाहमुखि खेतीपातीले जीवन भरी काम गर्नुपर्ने तर खान लगाउन नपुग्ने भएपछि अहिलेका महिलाहरु व्यवसायिक र सीप मुलक तालिम लिएर स्वरोजगार हुन उत्साहित हुने गरेका छन् ।
Discussion about this post