बाँके जेठ ५ गते ।
नेपालगञ्ज उपमहानगरपालिकाको मेयरमा प्रशान्त विष्ट भारी मतका साथ अग्रस्थानमा छन् । हालसम्म १७ वडाको मतगणना सकिँदासम्म विष्ट १६५५९ मतका साथ अग्रस्थानमा छन् ।
उनलाई पछ्याइरहेका एमालेका पशुपतिदयाल मिश्रले ८०५० मत पाएका छन् । विष्टले ८५०९ मतान्तरले लिड गरेका छन् । तेस्रो स्थानमा रहेका नन्दलाल बैश्यले ६३८५ मत पाएका छन् ।
यस्तै उपमेयरमा जसपाका कमरुद्दिन राई १२५४३ मतका साथ अगाडि छन् । उनलाई पछ्याइरहेकी राप्रपाकी विन्दु चर्ती मगरले ८४३१ मत ल्याएकी छन् । उनीहरुको मतान्तर ४१२२ छ । एमालेकी शान्तिदेवी ढकालले ७४०१ मत पाएकी छिन् ।
अहिले नेपालगञ्जका वडा नम्बर १२, १३, १५ र १६ को मतगणना जारी छ । वडा नम्बर १, २, ३, ४, ५, ६, ७, ८, ९, १०, ११, १७, १९, २०, २१, २२ र २३ को मतगणना सम्पन्न भइसकेको छ । वडा नम्बर १८ को गणना सकिएको छ । तर, सार्वजनिक भएको छैन ।
Discussion about this post