बाँके असोज ६ गते ।
कोहलपुर प्रहरीको कमाण्ड सम्हालेका डिएसपी ऐनबहादुर मल्ल कोहलपुर नगरपालिकालाई सुरक्षित बनाउन असफल भएका छन् ।
लागु औषध कारोवारीसँग सेटिङ नमिलेपछि पक्राउ गर्ने र नत्र असुली धन्दा गर्ने ख्याती प्राप्त मल्ल आफ्नो सुरक्षा क्षेत्रमा हतियारधारी समूह प्रवेश गरेर लाखौं लुटपाट गर्दा पनि सुइको पाएनन् । विवादित छवीका मल्लमाथि माथिल्लो तहका अधिकारीको निगरानी छ ।
बन्दुकधारीको एक समूहले कोहलपुरका एक स्थानीयको घरबाट १० तोला सुन र दुई लाख रुपैयाँ रुपैयाँ लुटपाट गरेको थियो । बुधबार मध्य रातमा उक्त समूहले कोहलपुर नगरपालिका ८ का विरेन्द्रजंग शाहीको घरबाट १० तोला सुनसहित नगद साढे २ लाख बढी लुटपाट गरेको प्रहरीले जनाएको छ ।
लुटपाटबारे प्रहरीलाई जानकारी गराउन खोज्दा उक्त समूहले मोबाइल पनि लुटेर लगेको पीडितले जनाएका छन् । रातिका समयमा ढोका खोल्न लगाएर लुटेरा समूहले शाहीको घरमा लुटपाट गरी घरमा थुनेर भागेको थियो ।
सुन लुट्ने गिरोह लामो समयदेखि बाँके र बर्दियामा सक्रिय रहेको छ । बाँकेको खजुरा, बर्दियाको कालिका, कतर्निया लगायतका बजारमा सुन लुटपाट गरिसकेको छ । उक्त गिरोहले रातिका समयमा ढोका खोल्न लगाएर लुटपाट गर्ने र थुनेर भाग्ने गरेको हो ।
Discussion about this post