अजय पाठक बाँके, असोज २६ गते । नेपाली कांग्रेस बाँकेले आज कोजाग्रत पूर्णिमाका दिन चियापान समारोह तथा शुभकामना आदानप्रदान कार्यक्रम गरेको छ।
बिजया दशमी, दिपावली, नेपाल सम्वत् र छठ पर्वको अवसरमा शुभकामना आदानप्रदान तथा चियापान कार्यक्रमको आयोजना गरेको जनाएको छ।
विसं २०३३ मा जननेता बिपी कोइराला राष्ट्रिय एकता तथा मेलमिलापको नीति लिई स्वदेश फर्केपछि २०३४ सालदेखि प्रत्येक वर्ष कांग्रेसले कोजाग्रत पूर्णिमाको दिनमा चियापान समारोह गर्दै आएको छ।
चियापान कार्यक्रममा कांग्रेसका नेता कार्यकर्तासंगै अन्य राजनीतिक दलहरुका जिल्लास्तरीय शीर्ष नेतृत्वहरुको पनि सहभागिता रहेको थियो।
चियापान कार्यक्रममा, नेपाली कांग्रेस बाँकेकी सभापती किरण कोइरालाले नेपाली कांग्रेस ले बिपीको मेलमिलाप को निती लाई लियर अगाडी बढेको र आफुहरु पनि सोहि निती अनुरुप अगाडि बढेको जनाईन ।चियापान कार्यक्रमले आपसी सद्भाव र भाइचारा बढाउन सहयोग पुगेको काँग्रेसको अपेक्षा छ। सोहि अबसर मा उपस्थित सबैलाई शुभकामनासमेत आदान प्रदान गरीयको थियो
नेपाली कांग्रेसले विपी कोइरालाले राष्ट्रिय मेलमिलापको नीति लिएर स्वदेश फर्केको दिनलाई स्मरण गरेर हरेक वर्ष दसैंको कोजाग्रत पूर्णिमाको दिन चियापान कार्यक्रम आयोजना गर्दै आएको छ।
कार्यक्रमको प्रमुख अतिथी पुर्वपार्टी सभापति युवराज शर्मा अतिथी जिल्ला प्रहरी बाँकेका उपरीक्षक एसपि वीर बहादुर ओलि ,अतिथी प्रदेश सभा सांसद याकुव अन्शरी, जिल्ला प्रशासन कार्यालयका प्रमुख कुमार खडका, कैलासनाथ गुप्ता, मोहम्मद सिद्धिकी , उपमहानगरपालिका का प्रमुख धवल शम्शेर राणा, विभिन्न वडाका वडा अध्यक्ष र प्रतिनिधि, पार्टी कार्यकर्ता, विभिन्न पत्रकार- संचारकर्मी हरुको उपस्थिति रहि सुभकामना अदान प्रदान तथा चियापान कार्यक्रम सम्पन्न भयको थियो ।
Discussion about this post