बाँके जेठ ३२ गते ।
गोप्य सूचना संकलन गरेर अपराध नियन्त्रण गर्ने उद्देश्यले बाँकेमा राखिएका सादा पोशाकका घुमुवा प्रहरी जिम्मेवारी छाडेर महिनावारी असुलीमा सक्रिय रहेको सार्वसाधारणले गुनासो गरेका छन् । अपराध अनुसन्धानको नाममा खातिएका सादा पोशाकका घुमुवा प्रहरीहरु रकम असुलीमा लागेपछि सिंगो नेपाल प्रहरी बदनामी भएको छ ।
बाँकेका प्रहरी प्रमुख प्रहरी उपरीक्षक तुलबहादुर कार्कीले कडाई गदागर्दै पनि उनैको नाम भजाएर हप्ता तथा महिनावारी असुलीमा घुमुवा प्रहरी लागेका छन् । यी घुमुवा प्रहरीहरुका कारण बाँकेमा तस्करी मौलाएको स्पष्ट देख्न सकिन्छ ।
बाँकेमा भएका ठूला घटनाको अनुसन्धान गर्न परिचालन भएका घुमुवा प्रहरीहरु नाकामा जाने र घर खर्चका लागि सर्वसाधारणले ल्याउँदै गरेको सामान खोसेर राख्ने गरेको खुलेको छ । ठूला तस्करहरुसँग लाइन लिन पल्के पछि अनुसन्धान फितलो भएको छ नै नेपाल प्रहरीले बदनामी कमाउन परेको छ ।
घमुवा प्रहरी भनेर जिल्ला र प्रहरी चौकीमा छुट्टै दरबन्दी हुँदैन । तर जिल्ला प्रहरी कार्यालयमा करिब ५ जना घुमुवा राखिएको छ । कतिपय इलाका प्रहरी कार्यालयमा सई, असईको कमाण्डमा उनीहरुलाई राखिएको हुन्छ । केही वृत्तहरुमा हवल्दारको कमाण्डमा छन् । जिल्लामा भने सईदेखि प्रहरी निरीक्षकको कमाण्डमा पनि घुमुवा खटाइएको हुन्छ । बाँकेमै कार्यरत एक घुमुवा प्रहरीले सादा पोशाकमा बसेपछि शतप्रतिशत ‘पवित्र’ हुन नसकिने तर्क गरेका छन् । यसले घुमुवा प्रहरीको खेती भनेकै असुली धन्दा हो भन्ने पुष्टि हुन्छ ।
अपराधिक क्षेत्रमा लागेका व्यक्तिसँग विश्वास जितेर उनीहरुबाट गोप्य सूचना लिन घुमुवा प्रहरी खटाउनु पर्ने उनी बताउँछन् ।
बाँके प्रहरीले नेपालगन्ज उपमहानगरपालिका २१ बिर्ताका अरबी खाँ हत्या घटनाको अनुसन्धान गर्न प्रहरी हवल्दार अतिस खान, प्रहरी सहायक हवल्दार राम सुमन चौधरी, प्रहरी सहायक हवल्दार गंगाराम मल्ल, प्रहरी जवान बिनोद केसी र प्रहरी जवान वीरबहादुर ताउलेलाई परिचालन गरेको छ ।
तर यो प्रहरी टोली उक्त घटनाको अनुसन्धान भन्दा नाकामा भेटिन्छ । ‘अनुसन्धानका लागि खटिएको प्रहरी टोली हत्या घटनाको अनुसन्धानभन्दा नाकामा पुगेर तस्करसँग मोटो रकम असुल्न ब्यस्त देखिन्छ,’ परिवारका एक सदस्यले भने ।
तत्कालिन एसपी सुवास चन्द्र बोहरा बाँकेको प्रहरी प्रमुख हुँदा विर्ताका अरबी खाँको हत्या भएको थियो । तत्कालिन एसपीले समेत प्रभावकारी भूमिका निर्वाह नगर्दा घुमुवाहरुले अपराध अनुसन्धानमा खोजविन गर्नुभन्दा असुलीधन्दामा बढी समय खर्चिने गरेको सर्वसाधारण बताउछन् ।
एक स्थानीय भन्छन, ‘यहाँ घुमुवा र तस्कर छुट्याउन गाह्रो छ । राज्य कोषमा जानुपर्ने रकम घुमुवाको खल्तीमा गएको छ । कस्ले रोक्ने हो ?’
गृहमन्त्री रवि लामिछाने र प्रहरी प्रधान कार्यालयले घुमुवा प्रहरी नराख्न निर्देशन दिएका छन् । तर पनि बाँकेमा घुमुवा प्रहरीको आतंक जारी छ । यसतपÞर्m गृह मन्त्रि र आइजीपीले ध्यान दिन सर्वसाधारणले माग गरेका छन् ।
Discussion about this post