बाँके असार १२ गते ।
अवैध सालको काठसहित एक जनालाई प्रहरीले पक्राउ गरेको छ । नेपालगञ्जस्थित एक चिरान मिलमा चोरी तस्करी गरी ल्याइएकोे सालको गोलिया काठसहित गुलाम रसुल बेहनालाई मंगलबार प्रहरीले पक्राउ गरेको छ ।
नेपालगन्ज–१० गोसाईगाउँस्थित बिनोद जैसवालले संचालन गरेको जेसवाल समिलमा लुकाई राखिएको भन्ने गोप्य सूचनाका आधारमा जिल्ला प्रहरी कार्यालय बाँकेबाट खटिएको प्रहरी टोलीले अबैध सालको काठ ७ फिट लम्बाई ४८ ईन्च गोलाई रहेको ७ क्यु फिट बरामद गरेको हो ।
प्रहरीले दिएको जानकारी अनुसार बरामदी सालको गोलिया काठको अन्दाजी मुल्य ३५,००० बराबर रहेको छ ।
अवैध सालको काठसहित पक्राउ परेका बेहनालाई आबश्यक कारबाहीका लागि आजै सव–डिभिजन वन कार्यालय बाँकेलाई बुझाइएको प्रहरीले जनाएको छ ।
बाँकेका प्रहरी प्रवक्ता डिएसपी नारायण डाँगीका अनुसार उक्त सम्बन्धमा थप अनुसन्धान पनि भइरहेको छ ।
Discussion about this post