बाँके जेठ ७ गते ।
बुधबार बिहान आएको हावाहुरी र वर्षाले कोहलपुर–नेपालगन्ज ३३ केभी प्रसारण लाइनको विद्युत पोल र टावरमा क्षति पु¥याएकाले बाँकेका विभिन्न स्थानको विद्युत सेवा अवरुद्ध भएको छ।
३३ केभीको टावर ढलेपछि कोहलपुर–नेपालगन्ज प्रसारण लाइन अवरुद्ध हुँदा जिल्लाको विद्युत् सेवा पूर्ण रूपमा ठप्प भएकोमा मर्मत सम्भार गरी अधिकांश स्थानमा विद्युत सुचारु गरिए पनि केही ठाउँमा अझै अवरुद्ध रहेको विद्युत प्राधिकरणको नेपालगन्ज वितरण केन्द्रले जनाएको छ ।
विद्युत प्राधिकरणको नेपालगन्ज वितरण केन्द्रका प्रमुख जगन्नाथ लामिछानेका अनुसार विद्युत अवरुद्ध भएको केही घण्टामै तीव्र गतिमा काम गरेर खजुरा र ग्रामीण फिडर बाहेक अन्य क्षेत्रमा लाइन सुचारु गरिएको बताए ।
प्रमुख लामिछानेका अनुसार क्षतिग्रस्त टावर मर्मतका लागि प्राविधिक टोली खटिएको छ । “३३ केभीको टावर ढलेको छ, त्यसको मर्मत कार्य तीव्र गतिमा भइरहेको छ,” उनले भने, “छिट्टै लाइन पुनः सुचारु हुने छ ।”
नेपालगन्ज नो–लाइट मर्मत शाखाका इन्चार्ज विष्णु खत्रीले हावाहुरीले गर्दा धेरै ठाउँको पोलहरुमा क्षति भएकाले फल्ट खोज्ने कार्य र मर्मत सम्भार दुबै एकै साथ चलिरहेको बताए ।
उनले हावाहुरीले विद्युत टावरमा समेत क्षति पु¥याएकाले मर्मत सम्भारमा समय लाग्ने देखिएको बतााउँदै प्राविधिकहरुले सकेसम्म चाँडो सेवा पुनः सञ्चालन गर्ने गरी काम गरिरहेको बताए ।
उता, हावाहुरीका कारण रत्न राजमार्गअन्तर्गत बाँकेको चिसापानीमा सडकमै रुख ढलेकाले नेपालगन्ज–सुर्खेत सडक खण्डमा चल्ने यातायात अवरुद्ध भएकाले रुख हटाउने कार्य गरिएपछि यातायात सुचारु भएको जिल्ला प्रहरी कार्यालय बाँकेले जनाएको छ ।
जिल्ला प्रहरी कार्यालय बाँकेका प्रहरी प्रवक्ता डिएसपी दिपक पातलीले हावाहुरीले बिद्युत पोलहरुमा क्षति पुरयाउनुका साथै केही ठाउम रुखहरु ढालेको तथा केही घरहरुमा पनि क्षति पुरयाएको जानकारी आएकोले बिबरण संकलन गर्ने कार्य भइरहेको बताए ।
Discussion about this post