बाँके, जेठ १९ गते ।
भारत भ्रमणमा रहेका राष्ट्रिय स्वतन्त्र पार्टीका सभापति रवि लामिछाने भारतीय जनता पार्टी (भाजपा) को मुख्यालय पुगेका छन्। मुख्यालयमा उनको बाजागाजा तथा पुष्पवर्षासहित भव्य स्वागत गरिएको जनाइएको छ।
भाजपा मुख्यालयमा पुगेका लामिछानेलाई पार्टीका अध्यक्ष नितिन नवीन लगायतका पदाधिकारीहरूले स्वागत गरेका थिए। मुख्यालयको अवलोकनपछि लामिछाने र नितिन नवीनबीच द्विपक्षीय भेटवार्ता भएको तथा अन्य पार्टी पदाधिकारीहरूसँग पनि छलफल तथा भेटघाटको कार्यक्रम रहेको बताइएको छ।
भ्रमणका क्रममा लामिछानेले भारतीय विदेशमन्त्री एस. जयशंकर सँग समेत भेटघाट गर्ने कार्यक्रम रहेको जनाइएको छ। साथै, आजै साँझ भाजपा मुख्यालयले उनको सम्मानमा रात्रिभोजको आयोजना गर्ने तयारी गरेको स्रोतहरूले बताएका छन्।
राष्ट्रिय स्वतन्त्र पार्टी र भारतीय राजनीतिक नेतृत्वबीचको यो भेटघाटलाई दुई देशका राजनीतिक दलहरूबीच अनुभव आदान–प्रदान तथा आपसी सम्बन्ध विस्तारका दृष्टिले महत्त्वपूर्ण रूपमा हेरिएको छ।
Discussion about this post