कपिलवस्तु, साउन १७ गते ।
कपिलवस्तुको शिवराज नगरपालिका–५ चन्द्रौटामा स्कर्पियो र मोटरसाइकल आपसमा ठोक्किँदा १८ वर्षीय मोटरसाइकल चालकको मृत्यु भएको छ। दुर्घटनामा एक युवती घाइते भएकी छन्।
शनिबार राति करिब ११ बजे लुम्बिनी प्रदेश ०१–००१ च २०५४ नम्बरको महिन्द्रा स्कर्पियो र लु १४ प ५१९० नम्बरको मोटरसाइकल आपसमा ठोक्किएका थिए।
दुर्घटनामा शिवराज नगरपालिका–२ हल्लानगरका १८ वर्षीय शिखर विक गम्भीर घाइते भएका थिए। उनको उपचारका क्रममा मृत्यु भएको जिल्ला ट्राफिक प्रहरी कार्यालय कपिलवस्तुका प्रमुख प्रहरी निरीक्षक राजन ढकालले जानकारी दिए।
दुर्घटनामा शिवराज नगरपालिका–२ की २१ वर्षीया शोभा श्रीपाली घाइते भएकी छन्। उनको उपचार भइरहेको प्रहरीले जनाएको छ।
प्रहरीले स्कर्पियो चालकलाई नियन्त्रणमा लिएर घटनाबारे थप अनुसन्धान गरिरहेको जनाएको छ।
ADVERTISEMENT
Discussion about this post