नुवाकोट, भदौ २१ गते ।
भदौ १० गते आएको बाढीले पुल बगाएपछि नुवाकोटको देवीघाटमा आवतजावत प्रभावित भएको छ।
बाढीले विदुर नगरपालिका–५, देवीघाटस्थित तादी नदीको पुल र सडक संरचनामा क्षति पुर्याएको हो। पुलमा क्षति पुगेपछि देवीघाट र आसपासका क्षेत्रमा यातायात सञ्चालनमा समस्या भएको छ।
आवतजावत खुलाउन नेपाली सेनाले तादी नदीमा एक्रो ब्रिज निर्माण सुरु गरेको छ। सेनाको इन्जिनियरिङ टोलीले पुल निर्माणको काम तीव्र गतिमा गरिरहेको छ।
सेनाले ६० मिटर लामो र ५.५ मिटर चौडा एक्रो ब्रिज निर्माण गरिरहेको छ। पुलले ५० टनसम्म भार धान्ने क्षमता राख्नेछ।
सेनाका अनुसार पुल निर्माणको काम केही दिनमै सक्ने लक्ष्य छ। पुल बनेपछि देवीघाटसहित आसपासका क्षेत्रमा यातायात सञ्चालन सहज हुनेछ।
ADVERTISEMENT
Discussion about this post