विष्णु अधिकारी बर्दिया पुस १३ गते । गुलरिया नगरपालिकाले न्यायिक प्रक्रिया समाधानका लागी कार्यविधि तयार गरि आफ्नो भूमिकालाई सशक्त बनाउदै लगीरहेको वताएको छ । गुलरिया नगरपालिकामा ०७५÷०७६ मा ३४ वटा मुद्दा मध्ये २७ मुद्दा न्यायिक समिति मार्फत फच्र्योट भएको गुलरिया नगरपालिकाकी उप–प्रमुख शुसिला गिरीले बताईन । विशेष गरि महिला हिंसा, जग्गा विवाद, लेनदेन लगाएतका मुद्दाहरु न्यायिक समितिमा आउने गरेको उप–प्रमुख गिरीले बताएकी छन् । उनले समान्य प्रकृतिका १०० मुद्धा मध्ये ८५ वटा मुद्दा लिखित तथा मौखिक रुपमा मिलापत्र गराएको उप–प्रमुख गिरिले बताएकी छीन ।
न्यायिक समितिमा आर्थिक कमिका कारण काम गर्न चनौती रहेको उनको भनाई छ । न्यायिक समितिमा मेलमिलाप गराउने प्रयास गर्ने र मुद्दाको अवस्था हेरी विवादको समाधान गर्न नसकिएका विषयहरुका लागि सम्बन्धित जिल्ला अदालत पठाउने गरिएको उप–प्रमुख गिरिले जानकारी गराएकी छिन । नगरपालिकाले न्यायिक समितिमा आउने मुद्दाका विषयमा सहायता कक्ष र इजलासको व्यवस्थाका लागि पहल भैरहेको उनको भनाई छ । न्यायिक समितिबाट न्याय छिटो र सरल तरिकाले कम खर्चमा प्राप्त हुने गरेको उप–प्रमुख गिरिले बताएकी छिन ।
गुलरिया नगरपालिकाको आयोजना र महिला पुर्नस्थापना केन्द्र बर्दियाको समन्वयमा आयोजित लैङ्गिक समानताका लागि भएका प्रयास र न्यायिक समितिको भूमिका विषयक अन्तरक्रिया कार्यक्रममा नगरपालिकाले न्याय सम्पादनमा गरेको गतिविधिका विषयमा कानुन शाखा प्रमुख कपिल घिमिरेले प्रस्तुत गरेका थिए । न्यायिक समितिले विशेष गरि १३ विषय बस्तुहरुमा केन्द्रित रही फैसला तथा निरुपण गर्ने गरेको घिमिरे बताएका छन् । महिला हिंसा तथा बालिकाका मुद्दाका विषयमा काम गर्दै आइरहेको ओरेक नेपाल बर्दियाले जिल्लामा गरेका गतिविधिहरुका बारेमा जानकारी गराएको थियो । हिंसामा परेका महिला तथा बालबालिकाहरुको क्षेत्रमा काम गरिरहेको ओरेक नेपाल बर्दियाकी कार्यक्रम संयोजक शर्मिला निरौलाले जानकारी गराएकी थिएन । उनले विशेष गरि बर्दियामा गुलरिया नगरपालिका, बढैयाताल गाउँपालिका, राजापुर नगरपालिका र गेरुवा गाउँपालिकामा ओरेक नेपाल बर्दियाले काम गरिरहेको छ ।
Discussion about this post