बाँके फागुन ३ गते । फागुन सगरमाथा ई. मि. हाई स्कूल कारकादो नेपालगन्जले १५ औं बार्षिक उत्सव समारोह, अभिभावक दिवस तथा सांस्कृतिक कार्यक्रम भव्य रुपमा मनाएको छ । स्कूलका अध्यक्ष कृष्ण जिसीको अध्यक्षतामा भएको बार्षिक उत्सव समारोह, अभिभावक दिवस तथा सांस्कृतिक कार्यक्रमको प्रमुख आतिथ्यता राम सुरेश यादव रहनुभएको थियो ।
प्रमुख अतिथि यादवले दियो बालेर कार्यक्रमको उद्घाटन गर्नुभएको थियो । बार्षिक उत्सव समारोह, अभिभावक दिवस तथा सांस्कृतिक कार्यक्रममा विद्यालयका छात्रछात्राहरुले विभिन्न खाले प्रस्तुती प्रस्तुत गरेका थिए । जस्तै नृत्य, गित, गजल, योगा, कविता, लगायतका प्रस्तुतीहरु देखाएका थिए ।
कार्यक्रममा व्याव्सन बाँकेका अध्यक्ष राजेन्द्र आचार्य, सचिव रोशन श्रेष्ठ, कृष्ण राज पौडेल,केशव श्रेष्ठ, भिम रावत, साहिल अन्सारी, श्वेता गुरुङ, मेनुका रावत, झलक गैरे लगायतले बोल्नुभएको थियो । सुनिश्चत बाल अधिकार समृद्ध नेपालको आधार भन्ने मुल नाराका साथ बार्षिक उत्सव समारोह, अभिभावक दिवस तथा सांस्कृतिक कार्यक्रममा अभिभावक, पत्रकार, मानवअधिकार कर्मी, बाल अधिकारकर्मी, उत्कृष्ट विद्यार्थीलाई मायाको चिनो प्रदान गरिएको थियो ।
Discussion about this post