सरला सुवेदी कोहलपुर बाँके फागन ४ गते ।
नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले पद प्रतिष्ठा पाउनको लागि मात्रै पार्टी एकता नगरिएको बताएका छन् ।
उनले समृद्धि र समाजवादको यात्रा तय गर्न पार्टी एकता गरिएको दावी गरे । नेकपाको प्रदेश ५ कमिटीले बाँकेको कोहलपुरमा गरेको कार्यक्रममा उनले बताए ।
नेपाल कम्युनिष्ट पार्टी (नेकपा)को ५ नं. प्रदेश स्तरीय प्रशिक्षण कार्यक्रममा बोल्दै नेकपाका अध्यक्ष पुष्पकमल दाहाल प्रचण्डले मुलुकको समृद्धि र विकासका लागि नेकपाको सरकारले आर्थिक समृद्धीको लागि विशेष अभियानका कार्यक्रमहरु ल्याइएको र मूलकलाई समृद्धिको दिशा तर्फ लैजानको लागि क्रियाशिल रहेको बताए ।
तत्काललिन अवस्थामा नेकपा माओवादी र नेकपा एमालेलाई बीच कार्यगत एकता गरि पार्टी एकिकरण अभियान लाई टुङगयाएको प्रदेश स्तरीय प्रशिक्षण कार्यक्रम अध्यक्ष प्रचण्डले बताएका थिए । प्रशिक्षण कार्यक्रम बोल्दै नेकपाका अध्यक्ष प्रचण्डले प्रदेश नं. ५ द्धन्दकालिका एवं अन्य राजनैतिक परिवर्तनको समयमा यस प्रदेशका सबैभन्दा धेरै कार्यकर्ताले बलिदान दिएको बताउदैँ जनताको सपना पुरा गर्ने तर्फ सरकार अघि बढिरहेको प्रष्ट पारेको र नेतृत्व पंक्तीलाई सोही अनुसार अगाडी बढन् निर्देशन दिएका थिए ।
प्रचण्डले राजनीतिक एकता भए पनि सांगठनिक र भावनात्मक एकता केही बाँकी रहेको बताए । ‘पार्टी एकता टुंगियो, केही बाँकी रहलपहल होला, महासचिवसंग बसेर टुंगिन्छ’ उनले भने ।
उनले अघि थपे ‘कोही कोहीलाई झमेला लाग्न सक्छ, रिस उठ्ने, छोडेर हिँडौं भन्ने पनि हुन सक्छ । तर, हामीले के सोच्नुपर्यो भने सामाजिक भावनात्मक वैचारिक ढंगले सुदृढीकरण गर्नुपर्छ ।’
नेकपा सचिवालय सदस्य एवं गृहमन्त्री रामबहादुर थापा (वादल)ले नेतृत्व एकताबद्ध भएर अगाडि बढेको भन्दै कार्यकर्ताहरुलाई सरकारका काम जनस्तरसम्म पुर्याउन आग्रह गरे ।
महासचिव विष्णु पौडेलले सरकारका काम र पार्टीका निर्णयलाई लिएर सातै प्रदेशमा अगुवा कार्यकर्ता भेला र प्रशिक्षणका कार्यक्रम सुरु गरिएको बताए ।
Discussion about this post