सरला सुवेदी कोहलपुर बाँके फागुन ७ गते ।
सञ्चार तथा सूचना प्रविधि मन्त्री गोकुलप्रसाद बाँस्कोटाले बुधवार गोरखापत्र कोहलपुर संस्करणकको उद्घाटन गरेका छन् । उद्घाटन सत्रमा बोल्दै उनले सरकारले हरेक क्षेत्रमा नयाँ र दीर्घ महत्वका काम गर्दै गएको बताएका छन् ।
गोरखापत्र संस्थानद्वारा आयोजित कोहलपुर संस्करण शुभारम्भ समारोहमा बोल्दै उनले दिनदिनै नयाँ र दीर्घमहत्वका काम गरेर सरकारमाथिका आरोपहरु असत्य प्रमाणित गर्दै गएको उल्लेख गरेका छन् ।
‘समृद्धि र सुख कुनै बाटो र पुल खानेपानी र ढल होईन यो एउटा राष्ट्रिय चिन्तन प्रणालीसहितको लम्बेयात्राका रुपमा बुझ्नु पर्दछ ।
उनले सरकारप्रति जनता खुशी रहेको र अझै खुशी बनाउन लागि परेको बताए ।अहिलेको सरकार चटके सरकार होईन । हामीसँग स्पष्ट बहुमत छ, र हामी हरेक क्षेत्रमा दीर्घकालिन काम गर्दछौँ ।’, उनले भने सरकारले हरेक दिन देश एककदम अगाडि बढ्ने गरी काम गरिरहेकोले अव देश पछाडि फर्किन नसक्ने बताए । ‘सरकारले काम गरिरहेको छ, र आगामी दिनमा जनताको भावना जित्ने गरि नै कआम गर्नेछ भन्दै उनले गोरखापत्र पत्रीका सरकारी नभई जनता र राज्यको भएको उल्लेख गर्दै उनले गोरखापत्र सरकारी होईन । गोरखापत्रले सबैका कुरा समेट्छ । सबैका कुरा यसमा आउँछ, पढ्दै नपढेर सरकारीकरण गर्यो भन्नु गलत कुरा हो ।
विगतमा अन्य दलले सञ्चारमाध्यमको दुरुपयोग गरेपनि अहिले त्यस्तो अवस्था नरहेको उल्लेख गर्दै मन्त्री बाँस्कोटाले विगतका सरकारले जे जस्तो गरे पनि हामीले त्यसो गरेका छैनौ। गोरखापत्रले जनताको जीवनगाथा मुलुकको भविष्यको यात्रा र लोकतन्त्रको जीवन्त प्रयोगमा नेपाली समाज, नेपाल राष्ट्रको स्वभाविक रुपमा त्यसभित्र सरकारको कुरा पनि गर्दछ ।’
हरेक देशमा मिडिया सरकारको पनि हुनेगरेको प्रसंग जोड्दे उनले नेपालमा केही भयो भने राज्यको आधिकारिकताको लागि स्वतन्त्रता सहित एउटा राज्यको मिडियाको रुपमा गोरखापत्रलाई विकास गर्न खोजेको उल्लेख गरे ।
कोहलपुर प्रकाशनबाट तीनवटा प्रदेशका जनता तिनको संस्कार र सँस्कृति, तिनका प्रगतिका कथाहरु र त्यहाँ चल्ने सम्पूर्ण सामाजिक आर्थिक क्रियाकलापहरु बच्चादेखि पुरानो पाको पुस्तासम्म, सत्तापक्षदेखि प्रतिपक्षसम्म साधारण आवाज अटाउने गरि सबै नागरिक कुरा समेट्नु पर्ने उनले बताए ।
गौरवपूर्ण इतिहासलाई वर्तमानका चुनौतिसँग एकाकार गराएर गोरखापत्र मिडियाको बजारमा सरकारको साँख र काखमा हुर्केर होईन, प्रतिष्पर्धा र पहलकदमीको आधारमा सर्वश्रेष्ठ बन्नुपर्ने उनको सुझाव छ ।
‘यो सत्ता पक्षको होईन जनताको प्रिय पत्रिका बन्छ । त्यसैको सिलसिलामा विराटनगरमा पक्की भवन र छापाखानासहित प्रकाशन शुरु गरिसकेको र कोहलपुरमा पनि भवन बनाउनको लागि टेण्डर भईसकेको उनले बताए।
कोहलपुरबाट गोरखापत्र प्रकाशनले तीनवटै प्रदेशका टोल टोलका जनताका कुरा आउनु पर्ने उल्लेख गर्दै उनले सडकका खाल्डा देखाउन गोरखापत्रले डराउनु पर्दैन तर पीच गरिरहेको छ भने त्यो पनि देखाउन सक्नुपर्दछ ।
‘एक आँखो प्रेस हुँदैन । एक आँखो चिम्लिने त शिखार खेल्ने शिकारी हुन्छ । प्रेसले चाहीँ दुईवटै आँखा खुल्ला गर्नपर्दछ र निष्पक्ष पत्रकारिता गर्नु पर्ने बताए।
सरकारका प्रवक्ता समेत रहेका मन्त्री बाँस्कोटाले देशको सम्पतिलाई हिनामिना गर्ने जो कोहीलाई पनि कानून, तथ्य, प्रमाण र बेइमानीका हदहरुको आधारमा सरकारले निर्ममतापूर्वक कार्वाही अगाडि बढाउने बताए ।
Discussion about this post