बाँके १५ फागुन गते ।
दुई दिने नेतृत्व विकास तथा उद्घोषण तालिम बिहीबारदेखि नेपालगंजमा सुरु भएको छ । बागेश्वरी टेलिभिजनको आयोजना तथा नेपालगन्ज उपमहानगरपालिका वडा नम्वर १३ को सहयोगमा वडामा रहेका युवाहरुलाई लक्षित गरि तालिम सुरु गरिएको हो ।
युवाहरुमा बोल्न सक्ने सीप र नेतृत्व गर्न सक्ने क्षमता अभिबृद्धिका लागि तालिम आयोजना गरिएको वडाअध्यक्ष बीरेन्द्र बहादुर शाहले बताउनुभयो ।
आजका युवाहरु भोलीको नेतृत्वकर्ता हुन् अध्यक्ष शाहले भन्नुभयो, ‘उनीहरुलाई बोल्ने कला र नेतृत्व लिन सक्ने सीप सिकाउन जरुरी देखिएकाले लक्षितवर्ग अन्तर्गतको बजेटबाट नेतृत्व विकास तथा उद्घोषण तालिम दिइएको हो ।’ उहाँले अर्को बर्ष पनि नेतृत्व विकासका लागि बजेट विनियोजन गर्ने प्रतिबद्धता जनाउनुभयो । बागेश्वरी टेलिभिजनका समाचार प्रमुख नरेन्द्र थापाको सभापतित्वमा भएको उद्घाटनसत्रमा वडा सदस्य पुष्पा भट्राई, वडा सचिव मदन बहादुर रावत, वडास्तरीय जेष्ठ नागरिक समाजका सचिव गोविन्द्र प्रसाद घिमिरेलगायतले आ आफ्नो धारणा राख्नुभएको थियो । तालिमको प्रशिक्षकमा पत्रकार प्रियास्मृति ढकाल रहनुभएको छ । तालिममा २५ जना युवाहरुको सहभागिता रहेको छ ।
Discussion about this post