सरला सुवेदी बाँके कोहलपुर फागुन १६ गते ।
कोहलपुर नगरपालिका महिला बालबालिका तथा समाज कल्याण शाखाले आगामी फागुन २५ गते ११० औ अन्तर्राष्ट्रिय श्रमिक महिला दिवस मनाउने विषयमा शुक्रबार सर्वपक्षिय छलफल गरेको छ । कोहलपुर नगरपालिका महिला तथा वालवालिका शाखाको आयोजनामा कोहलपुर क्षेत्रका महिला तथा बालबालिकाका क्षेत्रमा काम गरिरहेका संघसस्था , राजनितिक दल , पत्रकार लगायतहरु संग सर्वपक्षिय छलफल गरिएको छ । अन्तरास्ट्रिय महिला दिवसलाई सभ्य र भव्य रुपमा मनाउन कोहलपुर नगरपालिका उपप्रमुख सन्जु कमारी चौधरीको संयोजकत्वमा ५१ सदस्यीय मुल समारोह समिति गठन गरिएको छ ।
यस्तै दिवसको तयारीका लागि विभिन्न पाँच वटा तयारी समितिहरु समेत गठन गरिएको छ । जस अन्तर्गत मञ्च व्यवस्थापन तथा प्रभातफेरी समिति संयोजकमा शंकर न्यौपाने, खेलकुद समिति संयोजकमा दुर्गा वास्तोला, रक्तदान समिति संयोजकमा शोभा अधिकारी, प्रचार प्रसार समिति संयोजकमा कविन्द्र परियार रहेका छन् । अन्तक्रिया समिति संयोजक कोहलपुर नगरपालिका महिला तथा बालबालिका शाखा रहेको छ ।
यसपालि को महिला दिवसलाई शहरमा मात्र केन्दित नगरेर कोहलपुर नगरका सम्पुर्ण वडा वडामा गएर सबै महिला दिदिबहिनी हरुलाई महिला दिवस भनेको महिला दिदीबहिनिहरुको खुसी साट्ने दिन हो भन्ने अनुभूति दिलाउन सबै वडा मा गएर सडक नाटक सचेतनामुलक कार्यक्रम गर्ने सर्वपक्षीय छलफल गरिएको छ।र कार्यक्रमलाई सफल बनाउन सबै सरोकार वालाहरुको साथ को आवस्यक रहेको महिला बालबालिका तथा समाजकल्याण शाखा कि शाखा प्रमुख रिना थापाले बताइन।
Discussion about this post