सुर्खेत बैशाख १ गते । कर्णाली प्रदेशमा अहिलेसम्म ८ सय जनामा कोरोना परीक्षण गरिएको छ । तर अहिलेसम्म कुनै व्यक्तिमा पनि कोरोना संक्रमण नदेखिएको कर्णाली प्रदेश सरकारले जनाएको छ । केही समयअघि कर्णालीमा ६ सय भन्दा बढीमा परीक्षण गर्दा पनि रिर्पोट पोजेटिभ आएको थिएन ।
विदेशबाट आएका कसैमा पनि कोरोना संक्रमण पुष्टि हुन सकेको छैन भने भारतबाट आएका धेरै जनाको परीक्षण भइसक्दा पनि संक्रमण पुष्टि भएको छैन । खासगरी भारतबाट आएका सुर्खेत, जुम्ला, दैलेख, कालिकोटका मानिसहरुलाई क्वारेन्टाइनमै राखेर परीक्षण थालिएको थियो ।सुर्खेत प्रदेश अस्पताल र काठमाडौँको राष्ट्रिय जनस्वास्थ्य प्रयोगशालामा गरिएको परीक्षणमा अहिलेसम्म कर्णालीमा संक्रमित नभेटिएको कर्णाली प्रदेशका सामाजिक विकासमन्त्री दल बहादुर रावलले जानकारी दिए । उनका अनुसार स्वाब संकलन गरिएकोहरुको परीक्षण अझै जारी छ ।नेपाल लकडाउनलगत्तै उच्च सतर्कता अपनाएकाले संक्रमणको अवस्था शुन्य देखिएको उनको दाबी छ । यद्यपी अहिले पनि कोरोनाविरुद्धको तयारी, सतर्कता, सावधानीमा प्रदेश सरकार, पालिका सरकार कसैले पनि हेलचेक्राई नगरेको उनको भनाई छ ।
Discussion about this post