बाँके बैशाख २३ गते ।
नेपालगन्ज उपमहानगरपालिका ७ का पहिलो संक्रमित ६० बर्षिय पुरुषको घरपरिवारका सबै सदस्यको कोरोनो रिपोर्ट नेगेटिभ आएको छ ।
उनै संक्रमितलाई पछ्याउँदै उनको परिवारका सदस्य, उनले पढाएका बालबालिका र सम्पर्कमा आएका ९४ जनाको स्वाव संकलन गरिएकोमा २२ जनामा कोरोना पोजेटिभ देखिएको थियो ।
तर परिवारकै सदस्यको रिपोर्ट भने नेगेटिभ आएको भेरी अस्पताल नेपालगन्जका मेसु डा.प्रकाश थापाले बताउनुभयो । संक्रमितका श्रीमती, बुहारीसहित चार दाजुभाईको रिर्पोट नेगेटिभ आएको हो ।
परिवारको रिपोर्ट नेगेटिभ आएपछि टोलबासीले उनीहरुलाई फुलमाला लगाएर भव्य स्वागत गरेका छन् । शुक्रबार ६० बर्षिय पुरुषमा संक्रमण पुष्टि भएपछि उनको परिवारलाई महेन्द्र बहुमुखि क्याम्पसको क्वारेन्टिनमा राखिएको थियो ।
मेसु थापाका अनुसार, ८ घरका २३ जनामा कोरोना संक्रमण फैलिएको छ । पहिलो संक्रमितबाटै कोरोना फैलिएको हो वा अरु संक्रमित पहिलो थियो भन्नेबारे थप अनुसन्धान गर्नुपर्ने देखिएको मेसु थापाको भनाइ छ ।
एउटै वस्तिमा २३ जनामा कोरोना फैलिएपछि विश्व स्वास्थ्य संगठनको टोली आज नेपालगन्ज आएर संक्रमितको कन्ट्याक्ट टे«सिङ गर्ने र स्वाव संकलनमा जुटेको छ ।
Discussion about this post