काठमाडौ बैशाख २५ गते ।
दुई अध्यक्षबीच मनमुटाव चर्किएपछि सत्तारुढ नेपाल कम्युनिस्ट पार्टी नेकपाको स्थायी कमिटी बैठक स्थगित भएको छ ।
बुधबार बसेको सचिवालय बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले बैठकका लागि राजनीतिक प्रस्ताव र एजेन्डा तयार पार्न नसकिएको भन्दै बैठक स्थगित गरेका हुन ।
यो निर्णय ओली र प्रचण्डबीच बालुवाटारमा बसेको छुट्टै बैठकले गरेको हो । सचिवालय बैठकले स्थायी कमिटी बैठकको निर्णय गर्ने जिम्मा दुई अध्यक्षलाई दिएको थियो । नेकपाका महासचिव विष्णु पौडेलले भोलि बोलाइएको बैठक स्थगित गरिएको र अर्को मिति तय गरेर बैठक बोलाइने बताए ।
यसअघि गएको शनिबार बसेको नेकपाको स्थायी कमिटी बैठक बोलाएको थियो । तर प्रधानमन्त्री ओली र अध्यक्ष प्रचण्डबीच खास सहमति हुन नसकेका कारण नेकपाको स्थायी समिति बैठक अनिश्चित बनेको हो ।
ADVERTISEMENT
Discussion about this post