तस्बिर इरफान अलि
बाँके बैशाख २५ गते ।
नेपालगन्जमा एकाविहानै वेजोड हावाहुरीसहितको पानी परेको छ । हावाहुरीका कारण बसन्ते मकैबालीमा नोक्सानी पुर्याएको किसानहरुले बताएका छन् ।
मकैको पकेट क्षेत्रकारुपमा रहेको हिरमिनियामा हावाहुरीले नोक्सान पुर्याएको किसानहरुले बताए । त्यसैगरी आप र लिचिमा समेत नोक्सानी पुर्याएको किसानहरुको भनाइ छ । विगतका वर्षहरुमा यतिबेला नेपालगन्जमा टनटलापुरे घाम लागेको हुन्थ्यो ।
तर यो वर्ष भने बैशाखको अन्तिम साता हुँदा समेत नेपालगन्जमा चिसो कायमै छ । बैशाख महिनामा पनि मौसल अनुकूल हुँदा नागरिकहरुलाई गर्मीको महसुस भएको छैन् । साता नवित्दै पानी परिरहेको छ । जस्का कारण नेपालगन्जबासीहरुले यो वर्ष गर्मीको महसुस गर्न नपाएका हुन् ।
मलाई त दंग लागेको छ, पुरैनाका सुरेश वर्माले भने, ‘नेपालगन्जमा बैशाखको महिनामा पनि बल्यान्केट ओढेर सुत्नु पर्या छ ।’ नेपालगन्जमा अहिलेसम्मको तापक्रम ३४ डिग्रीमाथि चढ्न सकेको छैन् । जवकी गतवर्षको यो समयमा ४२ डिग्रीको हाराहारीमा तापक्रम हुने गरेको थियो । बैशाख महिना सकिन लाग्दासमेत नेपालगन्ज कुल अर्थात चिसो छ ।
Discussion about this post