बाँके जेठ २७ गते ।
कोरोना संक्रमण रोकथाम र उपचारार्थ निर्मीत बाँकेका क्वारेन्टाइन तथा आइसोलेशनको प्रदेश न ५ प्रदेश सभाका प्रमुख सचेतक सुरेन्द्र हमाल नेतृत्वको टोलीले स्थलगत अवलोकन गरेको छ ।
बाँकेमा सञ्चालित क्वारेन्टाइन तथा आइसोलेशन अझैं व्यवस्थित हुन नसकेको गुनासो आइरहेका बेला प्रदेश सभा सदस्य हमालले सोमबार जानकी र डुुडुवा गाउँपालिकाका क्वारेन्टाइन र आइसोलेश सेन्टरको निरीक्षण गर्नु भएको हो । स्थानीय तहले अधिकांस विद्यालयलाई क्वारेन्टाइन बनाएर व्यवस्थापन गरिरहेका छन् ।
सांसद हमाल नेतृत्वको टोलीले शनीबार नेपालगञ्ज, खजुरा र बैजनाथस्थित क्वारेन्टाइन र आइसोलेशनमा गरेको स्थलगत अवलोकनपछि सोमबार जानकी– २ जोगागाउँस्थित आसेलेशन सेन्टर, जानकी– १ बढैयाको क्वारेन्टाईन, डुडुवा– ६ हीरिमीनीया, डुडुवा– २ को सन्तलीया आइसोलेशन सेन्टर, बेतहनी नौरीगढी, बनकटीको मदरसा क्वारेन्टाइन लगायतको अवलोकन गरेको थियो ।
अवलोकनसँगै सांसद हमालले क्वारेन्टाईन सञ्चालक, जनप्रतिनीधी तथा त्यहाँ आश्रीतहरुको गुनासो समेत सुन्नु भएको थियो । क्वारेन्टाइन मापदण्ड अनुसार सञ्चालन नभएपनि जेनतेन व्यवस्थापन गर्ने कोशीश गरिएको पाइएको उहाँले बताउनु भयो । अवलोकनका क्रममा अधिकांसले रिपोर्ट आउन ढिलाई भएको, गर्मीमा बस्न धौ भएको लगायतका गुनासा गरेका थिए ।
डडुवाको क्वारेन्टाइन अवलोकनमा डडुवा गाउँपालिका अध्यक्ष नरेन्द्र चौधरी स्वयं सँगै जानु भरुएको थियो । प्रमुख चौधरीले कोरोना संक्रमण नियन्त्रण गर्न हर सम्भव सबै प्रयास गरिएको स्पष्ट पार्नु भयो ।
अवलोकन टोलीमा सांसद हमालसँगै अधिवक्ता, अधिकारकर्मी प्रहलाद बहादुर कार्की, सञ्चारकर्मी एवं सम्वादकर्ता शुक्रऋषि चौलागाई र पत्रकार मधु पौडेल रहनु भएको थियो ।
Discussion about this post