बाँके असार ४ गते ।
नेपालगञ्ज उपमहानगरपालिका वडा नम्बर १८ स्थित शान्तिनगर टोल नयाँवस्तीमा बसोबास गर्दै आईरहेका विपन्न समुदायका लागि वडा कार्यालयले सोलार प्यानल वितरण गरेको छ । वडा अध्यक्ष दीपक वर्माले नगरभित्रैको वस्तीका बासिन्दा अध्यारोमा बस्न नपरोस भनेर सोलार प्यानल सहयोग गरेको जानकारी दिएका छन् ।
विपन्न समुदायको बस्ती भएकाले नागरिकहरु अहिले पनि अध्यारोमा बस्न बाध्य थिए, अहिले बर्षायामको समयमा सर्पको डर हुने भएकोले थोरै भएपनी राहत होस भनेर सोलार भएपनि सहयोग गरौं भनेर वडाको पहलमा संघीय मामिला मन्त्रालयको सहयोगमा सोलार वितरण गरिएको हो ।
स्थानीय पुर्णे सुनारले वस्तीमा धेरैजसोको घरमा विद्युत मिटर नभएको बताए । अधिकाँशको ऐलानी जग्गामा घर भएका कारण मिटर नपाएपछि छिमेकीको घरबाट लाईन तानिएको छ अब वडाले सहयोग गरेपछि सबैको घर झलमल हुने भयो भन्दै सुनारले खुसी व्यक्त गरेका छन् ।
त्यहिका अर्का स्थानीय धनवहादुर बिटालुले ऐलानी जग्गामा घर भएका कारण धेरैले मिटर नपाएको बताए ।
आर्थिक अवस्था कमजोर भएका परिवारले पनि मिटर राख्न सकेका छैनन, उनले अरुको घरबाट बिजुली ल्याउदा धेरै कुरा सुन्नु पर्ने अनि लोडसेडिङको कारण अध्यारोमा सर्पको डरले त्रसित हुँदै बस्नु परेकोमा अब सोलारले राहत हुने कुरा बताए ।
स्थानीय कर्णे सुनारले विपन्न वस्तीमा सोलार सहयोग गरेकोमा वडा अध्यक्ष लगायत वडा कार्यालयप्रति वस्तीका सम्पुर्ण बासिन्दाले खुसी हुँदै धन्यवाद दिएको बताए। वस्तीका ५४ घरपरिवारलाई पुग्ने गरि सोलार प्यानल वितरण सुरु गरिएको वडा अध्यक्ष वर्माको भनाई छ । संघीय मामिला तथा स्थानीय विकास मन्त्रालय अन्तर्गत तराई–मधेस समृद्धि विकास कार्यक्रम अन्तर्गत गरिव, मधेसी, मुस्लिम तथा पिछडिएको क्षेत्रमा वैकल्पिक उर्जाको योजना वडा कार्यालयले ल्याएको हो ।
कार्यक्रम अन्तर्गत २५९ सोलार जडान गर्ने वडा कार्यालयको योजना रहेको छ । वडा अध्यक्ष बर्माले आफ्नो कार्यकालमै वडा बासिको अँध्यारो रातलाई सोलारके अलिकती भएपनी उज्यालो छर्न पाएकोमा र वडाबासिलाई सहयोग गर्न पाएकोमा आफुलाई खुसी मिलेको बताएका छन् ।
Discussion about this post