बर्दिया असार १३ गते ।
बैंक होस या अन्य कुनै संघ सस्था वा कार्यलय भित्र बाहिरका गतिविधि थाह होस या चोर आएमा चिन्न सजिलो होस् भनेर आजभोलि जताततै सिसीटिभी क्यामेरा राख्ने चलन छ । जताततै तपाई सिसीटिभी क्यामेराको निगरानीमा हुनुहन्छ भनेर सचेत समेत गराइएको हुन्छ । अझ बैंक, वित्तिय संस्थाजस्ता धेरै मानिस भेला हुने ठाउँमा त क्यामेरा अनिवार्य र्झै हुन्छ । तर के होला जब चोर पक्रिन राखेको क्यामेरा नै चोरी भएमा?
बर्दिया जिल्लामा यस्तै एक घटना भएको छ । शुक्रबार बिहान करिब ३ बजे मधुवन नगरपालिका कुसुम्बाबजार स्थित सिटिजेन बैंकको शाखा कार्यालय बाहिर राखिएको सीसी क्यामेरा चोरी भएको छ । मुख छाुपेर आएका एक युवकले क्यामेरा चोरेको फुटेजमा देखिएको बैंक प्रबन्धक अमित घिमिरेले बताए ।
एटीएमबाट रकम चोर्ने उद्देश्यले आएको हुनसक्ने आशंका बैंकका कर्मचारी बताउँछन् । बैंक अगाडि रहेको प्रहरी बिटमा समेत डियुटीमा सुरक्षाकर्मी नभएको मौका छोपी सीसी क्यामेरा चोरी भएको हो । घटना बारे बिहान १० बजे बैंक पुगेका कर्मचारीले कुसुम्बा बजारस्थित प्रहरी कार्यालयमा जानकारी गराएपनि सोधपुछका लागि प्रहरी नआएको गुनासो बैंक प्रबन्धक घिमीरेले बताएका छन् ।
Discussion about this post