बाँके मंसिर १५ गते ।
बाँकेको गुरुवा गाउँँको मेला हेर्न गएको दुई समूहबीच आज झडप भएको छ । झडपमा ७ जना घाइते भएका छन् ।
एकजना ५६ वर्षीय पुरुषको भने अवस्था गम्भीर रहेको पीडितहरुले बताएका छन् ।
उनीहरुको नर्सिङ होममा उपचार भइरहेको छ । त्यसक्रममा प्रहरीले पाँचजनालाई पक्राउ गरेको छ । जिल्ला प्रहरी कार्यालय बाँकेका डिएसपी सुभाष खड्का, वडा प्रहरीका प्रहरी निरीक्षक डिल्ली खड्का र जमुनाह भन्सार बिओपि सशस्त्र प्रहरी निरीक्षक जिबनलाल बुढाको संयुक्त प्रहरी टोलीले तत्काल घटनास्थललाई नियन्त्रणमा लिएको थियो ।
समयमै प्रहरी घटनास्थल पुगेकाले ठूलो दुर्घटना टरेको स्थानीयले बताए । दुई समूहको झडप गाउँसम्मै पुगेको थियो । झडप जानकी गाउँपालिका बनिया गाउँ ५ मा भएको हो । केही बर्ष अगाडिको रिसिबीका कारण झडप भएको घाइतेको छोरा धरमलाल यादबले अनलाइन खोजखबर लाई जानकारी दिए ।
काँदुको घरपरिवार मिलेर यादव परिवारलाई कुटेको प्रारम्भिक अनुसन्धानबाट खुलेको छ । उनीहरुबीच पुरानो रिसिवी रहेको छ । दुईसय भन्दा बढी मान्छेहरु आएर महिला बच्चाबच्चीमाथि अन्धाधुन्ध कुटपिट गरेको यादव परिवारको आरोप छ । प्रहरीले पक्राउ परेकामाथि थप अनुसन्धान गरिरहेको जनाएको छ । अहिले पनि प्रहरी घटनास्थलमै थप जानकारी आउन बाकी । तस्बिर साहिल शेष
Discussion about this post