बाँके माघ ३ गते ।
नेपाली कांग्रेसका केन्द्रिय सदस्य डा. मिनेन्द्र रिजालले सत्ता जोगाउनका लागि प्रधानमन्त्री केपी शर्मा ओलीले संविधानको पाङ्ग्रा खुस्काएर देशलाई अप्ठ्यारोमा पारेको बताएका छन्।आफू अल्पमतमा परेपछि पद गुम्ने खतरा देखेर प्रधानमन्त्रीले संसद भंग गरेको समेत उनले बताए।
सर्वसत्तावादी सोंचका कामचलाउ प्रधानमन्त्री के पी शर्मा ओलीको सर्व सत्तावाद लामो समय नटिक्ने भन्दै उनले संसद ब्यूँझिए पनि चुनाव भए पनि केपी ओलीको सर्वसत्तवादलाई नेपाली कांग्रेसले घुँडा टेकाउने नेता डा. रिजालले दावी गरे। संविधानमा मन नपरेको प्रावधानलाई एक एक गरी लत्याउने हो भने विधि र प्रक्रिया नै समाप्त हुने भएकाले संविधानको पालना गराउने र संविधानको रक्षा गर्ने जिम्मा फेरि कांग्रेसकै काँधमा आइपुगेको उनको भनाइ थियो।
राष्ट्रपतिको भुमिकामा प्रश्न उठाउँदै नेता रिजालले भने -‘जनताको पक्षमा रहन स्व.मदन भण्डाीलाई समझेर निर्णय लिनुस्, अहिलेको चुनौति भनेको संविधान जोगाउने हो ।’शनिबार नेपालगन्ज नगर कमिटिको आयोजनामा भएको विरोध सभालाई सम्वोधन गर्दै नेता रिजालले यस्तो बताएका हुन्।
Discussion about this post