बाँके माघ ८ गते ।
राप्रपाबाट निर्वाचित नेपालगन्ज वडा नं. ५ का वडाअध्यक्ष कैफुलवरा जोलहाले पार्टीले आफुलाई वाइपास गरेर अघि बढेको भन्दै आक्रोस पोख्नुभएको छ । आफ्नो वडामा पार्टीले आयोजना गर्ने कार्यक्रममा आफुलाई थाहा नै नदिने गरेको भन्दै आक्रोस पोख्नुभएको हो ।
पार्टीको झण्डा र चुनाव चिन्ह सार्वजनिक गर्न आज नेपालगन्जमा आयोजित कार्यक्रममा वडाअध्यक्ष जोलाहले राप्रपा नेता समेत रहनुभएका मेयर धवलशम्शेर राणा र पार्टीबाट निर्वाचित वडा नं. ४ का अध्ययक्ष सफिक बेहनाले सुटुक्क आएर कार्यक्रम गर्ने र उक्त कार्यक्रमले पार्टीलाई कुनै फाइदा नपुगेको जीकिर समेत गर्नुभयो ।
त्यसको गतिलो उदाहरण जसपाका नेताहरु राप्रपामा प्रवेश गरे भनेर प्रचार गरेको केही घण्टामा उनीहरु पुनः त्यही जसपामै रहेको उहाँको भनाइ छ । आफु राप्रपाको सिपाइ भएको पनि उहाँले बताउनुभयो । जोलाहले ३५ वर्षदेखि आफु राप्रपाको इमान्दार कार्यकर्ता हुँदा हुँदैपनि आफैलाई वाइपास गर्ने गरेको भन्दै आक्रोस पोख्नुभएको हो ।
पार्टीको झण्डा र चुनाव चिन्ह सार्वजनिक
राष्ट्रिय प्रजातन्त्र पार्टी )राप्रपा)का केन्द्रिय कार्यसम्पादन समितिका सदस्य पुर्व मन्त्री प्रेम बहादुर भण्डारीले पार्टीको झण्डा र चुनाव चिन्ह हलो सार्वजनिक गर्नु भएको छ। राप्रपा बाँकेले आयोजना गरेको समारोहलाई सम्बोधन गर्दै भण्डारीले मुलुकको सार्वभौम राष्ट्रिय अखण्डताको संरक्षण गर्न राजनीतिक दलहरूको इमान्दारीता हुनु रहेको बताउदै उहाँले सडकको जुलुसको भीडले नभइ संविधानको संरचनाभित्रै रहेर जनताको अभिमतबाट परिवर्तन गर्नुपर्ने बताउनु भयो ।
राप्रपाका केन्द्रीय कार्यसम्पादन समितिका सदस्य नेपालगञ्ज उपमहानगरपालिकाका मेयर डाक्टर धवल शम्शेरले मुलुकमा बढ्दै गइरहेको द्धन्दलाई निरुत्साहित तुल्याउन सरकारले प्रभावकारी कानुन ल्याउन नसकेको आरोप लगाउनु भयो । राप्रपाले आयोजना गरेको कार्यक्रममा केन्द्रीय सदस्य ऋषि राज देवकोटा, ओम प्रकाश अजाद, क्षेत्रीय सभापति दिपेन्द्र सिंह, बडा अध्यक्ष मोहम्मद सफिक बेहना, कैफुलवरा जोलहा, जिल्ला सदस्य हुकुम केसी लगायतले शुभकामना मन्तव्य व्यक्त गर्नुभएको थियो ।
Discussion about this post