बाँके चैत ९ गते ।
पाटे बाघको छाला सहित ४ जना बाँके प्रहरीको फन्दामा परेका छ्न। पक्राउ पर्नेमा सुर्खेत बिरेन्द्रनगर नगरपालिका ११ का ५० बर्षका गंग बहादुर खत्री, २० बर्षकै प्रकाश खत्री, दैलेख भगवतीमाई गाउँपालिका ४ का ३९ बर्षका चन्द्र अधिकारी र जुम्ला तिला गाउँपालिका ४ का ३८ बर्षका जयलाल नेपाली छ्न।
उनिहरुलाई चिसापानीबाट कोहलपुरतर्फ पैदल आउदै गरेको बस्थामा पक्राउ गरिएको बांकेका एसपी ओम बहादुर रानाले जानकारी दिनु भयो । बाँके बैजनाथ गाउंपालिका १ च्यामा स्थित सुर्खेत-कोहलपुर सडकखण्ड अबैध बाघको छाला, हड्डीको कारोबार भईरहेको भन्ने सुचनाको आधारमा जिल्ला प्रहरी कार्यालयबाट खटिएको प्रहरी टोली उक्त स्थानमा चेकजाँच गर्ने क्रममा जयलाल नेपालीले बोकेको झोलामा पाटेबाघको छाला १ र गंग बहादुर खत्रीले हातमा समातेको अवस्थामा प्लाष्टिकको बोरा भित्र बाघको जस्तो देखिने हड्डी २ के.जि.५०० ग्राम फेला पारी बरामद गरिएको हो।
उनिहरु माथी थप अनुसन्धान तथा आवश्यक कारबाहीको लागि बाँके राष्ट्रिय निकुन्जको कार्यालयमा पठाउने तयारी भैरहेको बताएइको छ। उनिहरुलाई संरक्षण ऐन २०२९ को दफा २६ (२) बमोजिम १ लाख देखी २५ लाख सम्म जरिवाना र १ वर्ष देखी १० वर्ष सम्म कैद सजाय हुन सक्ने छ।
Discussion about this post