दैलेख चैत १९ गते ।
दैलेखको नौमुले गाउँपालिका हाइड्रो पावरको हव बन्दै गएको छ । एउटै पालिकामा रहेका चारवटा हाइड्रो मध्ये दुईवटाले उत्पादन सुरु गरिसकेका छन् भने थप दुईवटा निर्माणधिन अवस्थामा छन् ।
हाइड्रोका कारण नौमुलेमा भौतिक पूर्वाधारको विकास भएको छ भने विद्यालय र स्वास्थ्य क्षेत्रमा समेत त्यसको सकारात्मक प्रभाव परेको नौमुले गाउँपालिका ३ मा रहेको द्धारीखोला हाइडो पावरका वार्डेन समेत रहेका स्थानीय गगन थापाले बताउनुभयो । द्धारीखोला हाइड्रो पावर र पदमखोला हाइड्रो पावर राष्ट्रि प्रशारण लाइनमा जोडिसकेका छन् । अप्पर र तल्लो लोहेरे हाइड्रो पावर निर्माणाधिन अवस्थामा छन् ।
एउटै पालिकामा चारवटा हाइड्रो पावर निर्माण भएपछि यसले भौतिक पूर्वाधार विकासमा टेवा पुर्याएको छ । यहाँका सडक स्तरोन्नती भएका छन् । विद्यालय र स्वास्थ्य चौकीका भवनहरुमा सहयोग पुगेको हाइडो पावर निर्माणपछि स्थानीय युवाले रोजगारी समेत पाएको पालिका अध्यक्ष भदे बुढाको भनाइ छ ।
गाउँपालिकाका ८ वटा वडामध्ये दुई वडालाई राष्ट्रि प्रशारण लाइनमा जोडिसकेको बताउँदै उहाँले बाँकी ६ वडालाई नौमुलेमा आवद्ध गराउने योजना रहेको बताउनुभयो । दुई पालिका राष्टिय प्रशारण लाइनमा जोडिएकाले पालिकाले विद्युत प्राधिकरणबाट ३ लाखबढी आन्तरिक राजश्य समेत पाउन सफल भएको छ ।
Discussion about this post